સ્પષ્ટતા / શું ખરેખર આજથી 100 રૂ./લિટર વેચાશે દૂધ? કિસાન મોરચાએ કરેલી સ્પષ્ટતા જાણવી જરૂરી

• દૂઘના ભાવ વધારાને ગણાવી અફવા
• સંયુક્ત કિસાન મોર્ચાએ આપ્યું મોટું નિવેદન
• સોશ્યલ મીડિયા પરના મેસેજને ઈગ્નોર કરો

કેન્દ્રના કૃષિ કાયદાને લઈને દિલ્હી બોર્ડર પર ખેડૂત આંદોલન ચાલી રહ્યું છે. આ સમયે સંયુક્ત કિસાન મોર્ચાએ કહ્યું છે કે તેમના ખેડૂતો 1-5 માર્ચ સુધી દૂધ નહીં વેચે અને ભાવમાં વધારો કરશે એવી કોઈ જાહેરાત કરાઈ નથી. 

જાહેર કરાયેલા નિવેદનમાં સંયુક્ત કિસાન મોર્ચાએ રવિવારે કહ્યું કે તેમની તરફથી દૂધ ન વેચવાનો કે 100 રૂપિયે પ્રતિ લિટરના હિસાબે તેની કિંમત વધારવાની કોઈ જાહેરાત કરાઈ નથી. સંયુક્ત કિસાન મોર્ચાએ કહ્યું કે તેમના નામ પર સોશ્યલ મીડિયામાં ખોટો વિડિયો અને મેસેજ વાયરલ થઈ રહ્યો છે જેમાં દૂધના ભાવ વધારવાની વાત કહેવાઈ છે.

ખેડૂતોએ લોકોને સોશ્યલ મીડિયાની અફવાને અવગણવા કહ્યું

ખેડૂતોએ લોકોને આગ્રહ કર્યો છે કે સોશ્યલ મીડિય પર સંયુક્ત કિસાન મોર્ચાના નામે વાયરલ વીડિયો અને મેસેજ ફરી રહ્યા છે તેને અવગણો. કિસાન મોર્ચાની તરફથી જાહેર કરાયેલા નિવેદનમાં કહેવાયું થે કે સોશ્યલ મીડિયા પર મોર્ચાના નામે એક મેસેજ વાયરલ થઈ રહ્યો છે જેના જવાબમાં આ સ્પષ્ટતા કરાઈ છે. કિસાન મોર્ચાએ કહ્યું કે ખેડૂતોએ આવી અફવાઓ પર ધ્યાન આપવું નહીં.

વાયરલ મેસેજને ગણાવી અફવા

સોશ્યલ મીડિયા પર એક મેસેજ વાયરલ થઈ રહ્યો હતો જેમાં કહેવાયું કે જેમ પેટ્રોલના ભાવ 100 રૂપિયા લિટર થયા તો દૂધના ભાવ 100 રૂપિયા લિટર કેમ ન થઈ શકે, મેસેજમાં દાવો કરાયો છે કે કૃષિ કાયદાના વિરોધમાં ખેડૂતોએ દૂધના ભાવ વધારવાનો નિર્ણય લીધો છે. જો કે સંયુક્ત કિસાન મોર્ચાએ નિવેદનમાં વાયરલ મેસેજને અફવા ગણાવી છે. 

Haryana: Khap panchayat in Hisar decided to increase rate of milk against farm laws & rising fuel prices

"We've decided to give milk at the price of Rs 100/litre. We urge dairy farmers to sell milk at same price to govt cooperative societies," said Panchayat Spox (27.02) pic.twitter.com/hmfdw70BNg

— ANI (@ANI) February 27, 2021

ટ્વીટર પર #1मार्च_से_दूध_100_लीटर ટ્રેન્ડ થયો

અગાઉ, સિંઘુ સરહદ પર આંદોલનકારી ખેડૂત નેતાએ કહ્યું હતું કે ડીઝલની કિંમતમાં વધારો કરીને કેન્દ્ર સરકાર ખેડૂતોને ઘેરી લેવાનો પ્રયાસ કરી રહી છે, જેનો વિરામ દૂધના ભાવ બમણા કરીને બમણો કરવામાં આવ્યો છે. એવું પણ કહેવામાં આવી રહ્યું છે કે જો સરકાર સહમત નહીં થાય તો શાકભાજીના ભાવમાં પણ વધારો કરવામાં આવશે. તો ટ્વીટર પર #1मार्च_से_दूध_100_लीटर ટ્રેન્ડ થઈ રહ્યો છે. તો કેટલાક એવા સવાલો પણ ઉભા કરી રહ્યા છે કે, 100 રૂપિયા લીટર પેટ્રોલ ખરીદી શકો તો દૂધ કેમ નહીં?