Samsung ના અનપેક્ડ ઇવેન્ટ 2019માં 4 સ્માર્ટફોન લોન્ચ થઇ શકે છે, જેમાં એક સેમસંગ ગેલેક્સી નોટ 10, ગેલેક્સી નોટ 10 પ્લસ અને હાલ ફોનનું 5G વર્ઝન સામેલ છે. સેમસંગની આ ઇવેન્ટ 7 ઓગસ્ટે ન્યૂયોર્કમાં યોજાશે.
Samsung ના અપકમિંગ નોટ માટે છેલ્લા કેટલાક મહિનાથી લીક રિપોર્ટ્સ સામે આવી રહ્યા છે, પરંતુ હવે કંપનીએ જાતે જ ગેલેક્સી નોટ 10 ના લૉન્ચિંગની તારીખને લઇને પુષ્ટિ કરી દીધી છે. સેમસંગનો ગેલેક્સી નોટ 10. 7 ઓગસ્ટ 2019 એ લૉન્ચ થશે. Samsung એ આ ફોનના લોન્ચિંગને લઇને એક વીડિયો ટીઝર પણ જારી કર્યું છે. સેમસંગની આ ઇવેન્ટ 7 ઓગસ્ટે ન્યૂયોર્કમાં યોજાશે.
જાણવા મળી રહ્યું છે કે Samsung ના અનપેક્ડ ઇવેન્ટ 2019માં 4 સ્માર્ટફોન લોન્ચ થઇ શકે છે, જેમાં એક સેમસંગ ગેલેક્સી નોટ 10, ગેલેક્સી નોટ 10 પ્લસ અને હાલ ફોનનું 5G વર્ઝન સામેલ છે. એના પહેલા તાજેતરમાં સેમસંગ ગેલેક્સી નોટ 10 પ્લસનો એક ફોટો પણ સામે આવ્યો હતો, જેને ગેલેક્સી નોટ 10 પ્રો કહેવામાં આવ્યો હતો.
Here is the first look at the Samsung Galaxy Note 10+ It'll be called the Galaxy Note 10+ and not the Note 10 Pro as previous rumors have suggested. https://t.co/YBqM4qZ6i3pic.twitter.com/WwEClducEk
અત્યાર સુધી મળેલા લીક રિપોર્ટ્સ પ્રમાણે ગેલેક્સી નોટ 10 માં 6.3 ઇંચની ડાયનેમિક એમોલેડ ડિસ્પ્લે છે, જેમાં ઉપરની તરફ એર પંચ હોલ આપવામાં આવ્યું છે. રિપોર્ટ્સમાં કહેવામાં આવી રહ્યું છે કે ગેલેક્સી નોટ 10 માં ટ્રિપલ રિયર કેમેરો સેટઅપ મળશે. સાથે જ ફોનમાં હેડફોન જેકની સાથે 25 વોટનું ફાસ્ટ ચાર્જર પણ મળશે. જો કે કહેવામાં આવી રહ્યું છે કે ફોનમાં મેમરી કાર્ડનો સપોર્ટ મળશે નહીં.
તો બીજી બાજુ ગેલેક્સી નોટ 10 પ્લસને લઇને કહેવામાં આવી રહ્યું છે કે આ ફોનમાં 6.7 ઇંચની ડાયનેમિક એમોલેડ ડિસ્પ્લે મળશે અને ગેલેક્સી નોટ 10 જેવો જ પંચ હોલ આપવામાં આવ્યો છે. આ ફોનમાં ગેલેક્સી નોટ 10 ની જેમ ટ્રિપલ રિયર કેમેરો મળશે, જો કે એમાં હેડફોન જેક મળશે નહીં.