દક્ષિણ કોરિયાની દિગ્ગજ કંપની સેમસંગ ટૂંક સમયમાં bezel-less ટીવી લાવી શકે છે. કોરિયન વેબસાઇટ The Elecની રિપોર્ટ મુજબ, સેમસંગ જાન્યુઆરીની શરૂઆતમાં યોજાનારા ઈવેન્ટ CES 2020ના કાર્યક્રમમાં ઝીરો બેઝલ ટીવી રજૂ કરવા માટે તૈયાર છે. ફેબ્રુઆરીમાં આ ટીવીનું મોટા પાયે ઉત્પાદન શરૂ કરાશે
સેમસંગ લાવી શકે છે bezel-less ટીવી
ગ્રાહકો મોટી સ્ક્રીન પસંદ કરે છે
ઝીરો બેઝલ ટીવી 65-ઈંચમાં મળશે
જોકે, સેમસંગે આ સંબંધિત વધુ કોઈ માહિતી આપી નથી. એવું કહેવામાં આવી રહ્યું છે કે નવી ટીવી 65 ઈંચની મોટી સ્ક્રીન સાથે રજૂ કરવામાં આવશે. આ ટીવી બેઝલ લેસ હશે. એવું કહેવાય છે કે, ઝીરો બેઝલ ટીવી ફક્ત 65-ઈંચ અને તેનાથી પણ મોટા આકારમાં ઉપલબ્ધ કરાવવામાં આવશે.
તેનો અર્થ એવો હોઈ શકે કે, આ ટીવીની ઉત્પાદન પ્રક્રિયા ખૂબ જ જટિલ છે, જેથી નાના આકારમાં તેનું ઉત્પાદન શક્ય નથી અથવા તો એવું પણ હોઈ શકે છે કે, કંપની તેના પ્રીમિયમ ટીવીને અલગ રાખવા માગે છે, કારણ કે, મોટાભાગના ગ્રાહકો મોટી સ્ક્રીન પસંદ કરે છે. સેમસંગે આ વર્ષની શરૂઆતમાં ઝીરો બેઝલ બ્રાન્ડ નામનું ટ્રેડમાર્ક કર્યું હતું.