દુનિયાનો પહેલા ફોલ્ડેબલ સ્માર્ટફોન Galaxy Fold લૉન્ચ કર્યા બાદ કોરિયન સ્માર્ટફોન મેકર Samsung હવે દુનિયાનો પહેલો 5G સ્માર્ટફોન લૉન્ચ કરવા જઇ રહી છે. સેમસંગ પોતાની હોમ કન્ટ્રી સાઉથ કોરિયામાં 5 એપ્રિલે Samsung Galaxy S10 5G લૉન્ચ કરશે. સેમસંગે કન્ફર્મ કર્યું કે એ પોતાની ફ્લેગશિપ 5G સ્માર્ટફોન એપ્રિલના પહેલા સપ્તાહમાં લૉન્ચ કરવા જઇ રહ્યો છે. સેમસંગ આ ફોનને યૂએસમાં પણ એપ્રિલ મહિનામાં લૉન્ચ કરી શકે છે.
Galaxy S10 5G હાલ માત્ર વેરિઝૉન ઑપરેટરની સાથે અવેલેબલ હશે અને ટેલિકૉમ ઑપરેટરે કન્ફર્મ કર્યું છે કે એ 11 એપ્રિલથી પોતાની 5G સર્વિસ યૂએસમાં રોલઆઉટ કરશે. બની શકે છે કે Galaxy S10 5Gને એ જ દિવસે યૂએસમાં પણ લૉન્ચ કરવામાં આવે. 5G નેટવર્ક્સ અને કનેક્ટિવિટી મેળવનાર દેશોમાં યૂનાઇટેડ સ્ટેટ્સ અને સાઉથ કોરિયા સામેલ છે. એવામાં કંપનીને સારા રિસ્પૉન્સની આશા છે. ભારતની વાત કરીએ તો અહીંયા 5G નેટવર્ક રૉલઆઉટને લઇને કોઇ સત્તાવાર નિવેદન સામે આવ્યું નથી.
હાલ ભારતના તમામ શહેરો સુધી હાલ 4G કનેક્ટિવિટી પણ પહોંચી શકી નથી, એવામાં 5G કનેક્ટિવિટી અને નેટવર્ક્સ દેશમાં 2021 સુધીમાં આવે એવી આશા વ્યક્ત કરવામાં આવી રહી છે. હુવાવે એ પહેલા જ કન્ફર્મ કર્યું હતું કે કંપની એનો ફોલ્ડેબલ ફોન 5G સ્માર્ટફોન્સ Mate X ભારતમાં ઊતારશે. ફોલ્ડેબલ ફઓન્સની વાત કરીએ તો સેમસંગની પણ પોતાનો Galaxy Fold ભારતમાં લૉન્ચ કરશે, પરંતુ ફોનને 5G સપોર્ટ વગર લૉન્ચ કરવામાં આવશે.
સૈમસંગનો ફોલ્ડેબલ ફોન ભારતમાં ક્યારે લૉન્ચ થશે, એને લઇને કોઇ સત્તાવાર તારીખ જણાવાઇ નથી, પરંતુ મે મહિનામાં લૉન્ચ થાય એવો અંદાજો લગાવવામાં આવી રહ્યો છે.