મોબાઇલ સહિતના ડિવાઇસમાં આર્ટિફિશિયલ ઇન્ટેલિજન્સ (એઆઈ) તમને હવામાન વિશે માહિતી આપે છે,તમારા મનપસંદ ગીતો સંભળાવે છે.નેટ પરથી અવનવી માહિતી શોધી આપે છે. પરંતુ સેમસંગે હવે ભાવિ આસિસ્ટન્ટની રજૂઆત કરી છે. કન્ઝયુમર ઇલેકટ્રોનિકસ શો (સીઇએસ) 2020માં સેમસંગે વિશ્વનો પ્રથમ આર્ટિફિશિયલ હયુમન (માનવી) રજૂ કર્યો છે, જે આપણી જેમ ચાલી શકે છે અને વાત કરી શકે છે. જેનું નામ નિઓન છે.
નિયોન મનુષ્યની જેમ વર્તે છે. આ કૃત્રિમ મનુષ્ય વાસ્તવિક મનુષ્ય જેવા જવાબો આપે છે અને લાગણીઓ પણ વ્યકત કરી શકે છે. નિઓન તમારો વર્ચુઅલ મિત્ર હોઈ શકે છે અને જેની સાથે તમે વાત કરી શકો છો.નિયોન નવી વસ્તુઓ શીખવામાં પણ નિષ્ણાત છે. આ સિવાય તે તેના અગાઉના અનુભવના આધારે નવું કામ પણ કરી શકશે.
વિશેષ બાબત એ છે કે તમારે તેને બોલાવવા માટે "હે, નિઓન" અથવા "ઓકે, નિઓન" કહેવાની જરૂર નથી.તમે તેને તમને ગમતું નામ પણ આપી શકો છો. કંપનીના જણાવ્યા અનુસાર નિઓન પ્રોપ્રિટયેટ્રી ટેક્નોલોજી પ્લેટફોર્મ પર નિયોનને તૈયાર કરવામાં આવ્યો છે. જેને કોર આર 3 કહે છે. આર 3નો અર્થ છે રિયલિટી, રીયલટાઇમ અને રિસ્પોન્સિવ. આ ટેકનિકની મદદથી નિઓન મિલિસેકંડમાં રિએકશન આપી શકે છે. નિઓનને સેમસંગની સ્ટાર લેબ દ્વારા બનાવવામાં આવ્યો છે. જેના સીઇઓ મુળ ગુજરાતી ટેકનોક્રેટ પ્રણવ મિસ્ત્રી છે.
એઆઈ સાથેના વર્ચ્યુઅલ આસિસ્ટન્ટથી નિઓન અનેક રીતે એડવાન્સ છે. તે એઆઇ આસિસ્ટન્ટ નથી. નિઓન આપણા જેવા જ છે પરંતુ તે વર્ચુઅલ વિશ્વમાં છે. વર્ચ્યુઅલ આસિસ્ટન્ટથી કોઈ પીડા અનુભવી શકત નથી, પરંતુ નિઓન તે અનુભવી શકે છે. વર્ચ્યુઅલ આસિસ્ટન્ટથી જેમ, નિઓન તમને હવામાન વિશે માહિતી આપશે નહીં કે તમે તમારી પસંદનું ગીત પણ ગાશે નહીં, પરંતુ તે તમારો મિત્ર બનશે.