સેમસંગે ખાસ પ્રકારનું ટીવી સેમસંગ સીરો બનાવ્યું છે. તે વર્ટિકલ (પોટ્રેટ) અને હોરિઝોન્ટલ (લેન્ડસ્કેપ) બંને રીતે ઉપયોગમાં લેવાશે. તેની કિંમત ૧૧.૩ લાખ રૂપિયા છે. મે મહિનાના અંતમાં તેનું વેચાણ શરૂ થશે.
સાઉથ કોરિયાની દિગ્ગજ ઇલેક્ટ્રોનિક્સ કંપની સેમસંગે ખાસ પ્રકારનું ટીવી સેમસંગ સીરો બનાવ્યું છે. કંપનીનો દાવો છે કે તે વર્ટિકલ (પોટ્રેટ) અને હોરિઝોન્ટલ (લેન્ડસ્કેપ) બંને રીતે ઉપયોગમાં લેવાશે. કોરિયાઇ ભાષામાં સીરોનો અર્થ વર્ટિકલ થાય છે. તેની કિંમત ૧૧.૩ લાખ રૂપિયા છે. મે મહિનાના અંતમાં તેનું વેચાણ શરૂ થશે.
સેમસંગ સ્માર્ટ ટીવી મેન્યુફેક્ચરિંગ બાબતમાં દુનિયાની ટોપ કંપની પણ છે. કંપનીની ઇન્ટેલિજન્ટ પ્રોડક્ટ કેટેગરીમાં ઘણા પ્રકારની પ્રોડક્ટ હાજર છે. થોડા સમય પહેલા કંપનીએ ફ્રેમ ટીવી પણ લોન્ચ કર્યું હતું, જેમાં ઘણા લેટેસ્ટ ફિચર રહેલા છે. સેમસંગના ફ્રેમ ટીવીની સૌથી ખાસ વાત એ છે કે ઉપયોગમાં ન લેવાય તેવી સ્થિતિમાં તેનો ફોટો ફ્રેમની જેમ ઉપયોગ થઇ શકે છે.
૧૧ લાખ રૂપિયા કિંમતના સેમસંગ સીરોને શરૂઆતમાં સાઉથ કોરિયામાં લોન્ચ કરાશે. તેની સુવિધા અનુસાર વર્ટિકલ-હોરિઝોન્ટલ બંને રીતે ઉપયોગમાં લઇ શકાશે. તેમાં ૪૩ ઇંચની ડિસ્પ્લે સાઇઝ મળે છે. ટીવી એક ખાસ પ્રકારના સ્ટેન્ડ સાથે આવે છે, જેની પર યુઝર ટીવીને પોતાની મરજી મુજબ ઘુમાવી શકે છે. તેમાં ૪.૧ ચેનલ,
સ્પીકર સિસ્ટમ અને ૬૦ wનું આઉટપુટ મળે છે. આ ઘણા બધાં સ્માર્ટ ફંકશન ધરાવે છે.
ખાસ કરીને આ ટીવી યંગ યુઝર્સ માટે ડિઝાઇન કરાયું છે. જે કન્ટેન્ટ વર્ટિકલ જોવાનું પસંદ કરે છે. વર્ટિકલ પોઝિશનમાં આ ટીવી સ્માર્ટ ફોન જેવું લાગે છે. વર્ટિકલ ટીવીમાં ફોનની જેમ ફોટો અને વીડિયો જોવાનો અનુભવ મળે છે. તેમાં સોશિયલ મીડિયા સાઇટ્સ ફેસબુક અને ઇન્સ્ટાગ્રામનો બેસ્ટ વ્યૂ મળે છે. ટીવીમાં ફોનની જેમ જ કન્ટેન્ટને વર્ટિકલ સ્ક્રોલિંગ પણ કરી શકાય છે.