સેમસંગના Galaxy-A અને Galaxy-M સીરીઝના કેટલાંક સ્માર્ટફોન ખૂબ લોકપ્રિય થયા છે. આ વર્ષે સેમસંગે કેટલાંક 5G સ્માર્ટફોન રજૂ કર્યા છે. સેમસંગનો અત્યાર સુધીનો સૌથી સસ્તો Galaxy A22 5G ફોન છે. હવે સેમસંગ Galaxy A13 5G લોન્ચ કરવાનો છે, જે અત્યાર સુધીનો સૌથી સસ્તો 5G ફોન હશે.
આ વર્ષે સેમસંગે કેટલાંક 5G સ્માર્ટફોન રજૂ કર્યા
હવે સેમસંગ Galaxy A13 5G લોન્ચ કરશે
આ ફોન અત્યાર સુધીનો સૌથી સસ્તો 5G ફોન
Samsung Galaxy A13 5G ના સ્પેસિફિકેશન
એન્ટ્રી લેવલ હેન્ડસેટ ડેબ્યુ કરનારો આ પ્રથમ ફોન હશે. તાજેતરમાં લીક અને અફવાઓને ધ્યાનમાં રાખી 5G કનેક્ટિવિટીવાળો એન્ટ્રી લેવલ સ્માર્ટફોન 2021 પહેલાં ડેબ્યુ કરશે. ટિપ્સર એન્થનીએ લોન્ચિંગ પહેલાં ફોનના બધા ફીચર્સને લીક કરી દીધા છે. Samsung Galaxy A13 5G માં 6.48 ઈંચની એલસીડી સ્ક્રીન છે. આ ફક્ત HD+ રિજોલ્યુશન સાથે નહીં, પરંતુ ફૂલ HD+ રિઝોલ્યુશન સાથે આવી રહ્યો છે. લીક થયેલા સીએડી રેન્ડર્સને જોતા ડિવાઈસમાં વોટરડ્રોપ નોર્ચ ડિસ્પ્લે છે. લો એન્ડ સ્માર્ટફોનમાં આ એક સામાન્ય ડિઝાઈન રહી છે. ફોનનો સેલ્ફી કેમેરો કેવો હશે. આ અંગે હજી સુધી કોઈ જાણકારી આપવામાં આવી નથી. રિયર કેમેરા સેટઅપમાં 50 MPનો કેમેરો છે. આ એ સેન્સર છે, જે Redmi 10 જેવા નવા લો-એન્ડ હેન્ડસેટમાં જોવા મળે છે. લીક પરથી જાણવા મળ્યું છે કે 5 એમપીનો અલ્ટ્રાવાઈડ કેમેરો અને 2MP નું ડેપ્થ સેન્સર છે.
Samsung Galaxy A13 5G ની બેટરી
ગેલેક્સી A13 5G મીડિયાટેક ડાઈમેન્શન 700 5G SoC ને પેક કરશે. ડિવાઈસમાં 5000 એમએએચની બેટરી છે, જે 25 વોટ ફાસ્ટ ચાર્જિગને સપોર્ટ કરે છે. સિક્યોરિટી માટે ફિંગરપ્રિન્ટ સ્કેનર છે. રિપોર્ટસ મુજબ, હેન્ડસેટ 4 જીબી, 6 જીબી અને 8 જીબી રેમની સાથે ત્રણ વેરિએન્ટમાં આવી રહ્યો છે. સેમસંગ એક મોટો સંકેત આપી રહ્યો છે કે તેના વધુ મિડ રેન્જ ફોનમાં આવતા વર્ષે 8 જીબી રેમ મળવાની શરૂ થઇ જશે. સ્ટોરેજની દ્રષ્ટિએ હેન્ડસેટમાં 64 જીબી અને 128 જીબી ઈન્ટરનલ સ્ટોરેજ હશે. જેમાં માઈક્રોએસડી કાર્ડ પણ હોઇ શકે છે.
સૌથી સસ્તો 5G ફોન
હેન્ડસેટ સૌથી સસ્તા 5G સેમસંગ ફોનના રૂપે આવી શકે છે. નવા લીકનો દાવો છે કે જેની કિંમત આશરે 249 ડોલર (લગભગ 11 હજાર રૂપિયા) હશે.