Samsungએ ભારતમાં 2 નવા મિડ રેન્જ સ્માર્ટફોન્સ Galaxy J6 અને Galaxy J8 લોન્ચ કરી દીધા છે. Galaxy J8માં 4GB રેમના વેરિયન્ટની કિંમત 18 990 રૂપિયા રાખવામાં આવી છે ત્યારે Galaxy J6ના 3GB અને 4GB એમ 2 વેરિયન્ટને લોન્ચ કરવામાં આવ્યા છે. જેની કિંમત ક્રમશ: 13 990 રૂપિયા અને 16 490 રૂપિયા રાખવામાં આવી છે. ગ્રાહકોને આ સ્માર્ટફોન્સ બ્લૂ બ્લેક અને ગોલ્ડ કલર ઑપ્શનમાં ઉપલબ્ધ થશે.
Galaxy J6 નું વેચાણ 22 મેથી પેટીએમ મૉલ સેમસંગ ઇન્ડિયા ઇ-સ્ટોર અને ફ્લિપકાર્ટ પર ઑનલાઇન થશે આ સાથે Samsungના રિટેલ સ્ટોરમાં ઉપલબ્ધ થશે. ત્યારે Galaxy J8નું વેચાણ 20 જૂનથી થશે. પેટીએમ મૉલથી ખરીદી કરનાર ગ્રાહકોને 1500 રૂપિયાનું કેશબેક આપવામાં આવશે આ કેશબેક ICICI ક્રેડિટ કાર્ડ પરથી મળશે.
Galaxy J6 અને Galaxy J8ના સ્પેસિફિકેશન્સ:
ડ્યુઅલ સિમ સપોર્ટ કરનાર Galaxy J6 એન્ડ્રોઇડ 8.0 ઑરિયો બેસ્ડ Samsung એક્સપિરિયન્સ પર રન કરશે. આ સ્માર્ટફોનમાં 18.5:9 રેશ્યોની સાથે 5.6- ઇંચ HD+ સુપર AMOLED ઇનફિનિટી ડિસ્પ્લે આપવામાં આવ્યું છે. આ સ્માર્ટફોન 3GB અને 4GB રેમની સાથે Exynos 7870નું પ્રોસેસર આપવામાં આવ્યુ છે જેની ઇન્ટરનલ મેમરી 32GB અને 64GB નો ઑપ્શન આપવામાં આવ્યો છે જેને કાર્ડની મદદથી 256GB સુધી વધારી શકાશે.
કેમેરા સેક્શનની જો વાત કરવામાં આવે Galaxy J6 માં રિયર 13 મેગાપિક્સલનો છે જ્યારે ફ્રન્ટમાં 8 મેગાપિક્સલની કેમેરો છે. બંનેની તરફ LED ફ્લેશ લાઇટ આપવામાં આવી છે. કનેક્ટિવિટી માટે 4G VoLTE Wi-Fi બ્લૂટૂથ GPS/ A-GPS અને એક 3.5mm હેડફોન જેક આપવામાં આવ્યો છે જેની બેટરી 3 000mAhની છે.
Galaxy J8ની વાત કરવામાં આવે તો આ સ્માર્ટફોન ડ્યુઅલ કેમેરાને સપોર્ટ કરે છે અને જે એન્ડ્રોઇડ 8.0 ઑરિયો બેસ્ડ Samsung એક્સપિરિયન્સ પર રન કરશે. આ સ્માર્ટફોનમાં 18.5:9 રેશ્યોની સાથે 6- ઇંચ HD+ સુપર AMOLED ઇનફિનિટી ડિસ્પ્લે આપવામાં આવ્યું છે. આ સ્માર્ટફોનમાં 4GB રેમની સાથે ઑકટા-કોર ક્વૉલકોમ સ્નેપડ્રેગન 450 પ્રોસેસર છે. આ સ્માર્ટફોનની ઇન્ટનલ મેમરી 64GB છે જેને માઇક્રો SD કાર્ડની મદદથી 256GB સુધી વધારી શકાય છે.
આ સ્માર્ટફોનમાં બેક ડ્યુઅલ કેમેરા સપોર્ટ આપવામાં આવ્યો છે જેનો પહેલો કેમેરા 16 મેગાપિક્સલ અને બીજો કેમેરા 5 મેગાપિક્સલનો છે. જ્યારે ફ્રન્ટમાં 16 મેગાપિક્સલનો કેમેરા આપવામાં આવ્યો છે. આ બંને કેમેરામાં LED ફ્લેશ આપવામાં આવી છે. કનેક્ટિવિટી માટે 4G VoLTE Wi-Fi બ્લૂટૂથ GPS/ A-GPS એક માઇક્રો USB પોર્ટ અને એક 3.5mm હેડફોન જેક આપવામાં આવ્યો છે.
Galaxy J6 અને Galaxy J8 બંને સ્માર્ટફોનમાં ફેશિયલ રેકૉગ્નિશન ફિચર આપવામાં આવ્યુ છે. આ સાથે જ સેલ્ફી લેતા સમયે ફ્લેશ એક્સપોઝરને પણ સેટ કરી શકાશે. આ સ્માર્ટફોન્માં એક ચેટ ઑવર વીડિયો ફિચર પણ છે જેમાં યૂઝર્સ વીડિયો જોતા સમયે WhatsApp જેવા મેસિજિંગ એપ પર ચેટ પર થઇ શકશે.