Samsung આખરે પોતાના ચાર રિયર કેમેરાવાળા ગેલેસક્સી A9 (2018) સ્માર્ટફોનની લોન્ટ ડેટનો ખુલાસો કર્યો છે. આ ફોન ભારતમાં 20 નવેમ્બરના લોન્ચ થશે તેને મલેશિયામાં યોજાયેલી એક ઇવેન્ટમાં લોન્ચ કરવામાં આવ્યો હતો. Galaxy A9 ની 40000 રૂપિયાની નીચી કેટેગરીમાં લોન્ચ કરવામાં આવે તેવી શક્યતા છે. Samsung Galaxy A9 (2018)ની ખાસિયતોની વાત કરવામાં આવે તો તેમાં ચાર રિયર કેમેરા સુપર એમોલેડ ઇનફિનિટી ડિસ્પ્લે ડૉલ્બી એટમૉસ સરાઉન્ડ સાઉન્ડ જેવા ફિચર્સ શામેલ છે. ફોનને 3 નવા રંગોમાં મળશે.
Samsung Galaxy A9 (2018)ના 6GB RAM અને 128GB ઇનબિલ્ટ સ્ટોરેજવાળા વેરિયન્ટની કિંમત 39000 રૂપિયા હોઇ શકે છે. આ ફોન લેમનેડ બ્લૂ બબલગમ પિંક અને કેવિયર બ્લેક કલરમાં ઉપલબ્ધ હશે. કંપની દ્વારા મોકલાયેલા મીડિયા ઇન્વાઇટમાં ખુલાસો થયો છે કે આ ફોનને દિલ્હી/ NCRમાં આયોજિત એક ઇવેન્ટમાં લોન્ચ કરવામાં આવશે. મહત્વનું છે કે Samsung હાલમાં જ 3 રિયર કેમેરાવાળા પોતાના સ્માર્ટફોન Galaxy A7 લોન્ચ કર્યો છે.
Samsung Galaxy A9ના સ્પેસિફિકેશન્સ:
Samsung Galaxy A9 (2018)માં અપાયેલા 4 કેમેરામાં 24+5+8+10 મેગાપિક્સલના સેન્સર્સ આવે છે. ફોનમાં સેલ્ફી માટે 24 મેગાપિક્સલનો કેમેરા છે. તેમાં 6.3 ઇંચ ફૂલ HD+ સુપર એમોલેડ ઇનફિનિટી ડિસ્પ્લે છે.
આ ફોન એન્ડ્રોઇડ 8.0 ઓરિયો પર કામ કરે છે. તેમાં 2.2 GHz પર ચાલતું સ્નેપડ્રેગન 660 પ્રોસેસર છે. આ ફોનમાં 6GB RAM અને 128GB ઇન્ટરનલ મેમરી છે. ઇન્ટરનલ મેમરીને SD કાર્ડની મદદથી 512GB સુધી વધારી શકાશે. ફોનમાં 3800mAHની બેટરી આપવામાં આવી છે જે ફાસ્ટ ચાર્જિંગને સપોર્ટ કરે છે. કનેક્ટિવિટીની વાત કરવામાં આવે તો ફોનમાં 4G VoLTE 3G WiFi બ્લૂટૂથ અને GPS જેવા બેસિક ફિચર્સ આપવામાં આવ્યા છે.