ટેક્નોલોજી / આ એક ફેક એપથી દુનિયાભરના 1 કરોડથી વધુ યુઝર્સ છેતરાયા, તાત્કાલિક રીમૂવ કરો

આ એપ એડ બતાવીને 34.99 ડોલર એટલે કે 2,350 રુપિયામાં સેમસન્ગનું ફર્મવેર ડાઉનલોડ કરવાનો ઓપ્શન આપે છે. આ એપ પેમેન્ટ માટે ગુગલ પ્લે સબસ્ક્રિપ્શનના બદલે યુઝરના ક્રેડિટ કાર્ડની ડિટેઇલ માગે છે. એટલું જ નહીં એપ યુઝરને 19.99 ડોલર (રુ.1300)માં કોઇપણ સીમને અનલોક કરવાની પણ ઓફર કરે છે.

રિપોર્ટ મુજબ એપના ડાઉનલોડ ફ્રમવેર સેકશનમાં કોઇપણ ફર્મવેર ડાઉનલોડ કરવાનો ઓપ્શન મળે છે. આ એપના મેઇન સ્ક્રીન પર આવતું બધુ કન્ટેન્ટ updato.com  નામની બ્લોગીંગ વેબસાઇટને રેન્ડર કરીને આવે છે. જેમા ન્યુઝ ઉપરાંત એન્ડ્રોઇડને લગતી જાણકારીઓ હોય છે. રિપોર્ટમાં કહ્યું છે કે જો તમારા ડિવાઇસમાં આ એપ હોય તો તમારે તરત જ તેને અનઇન્સ્ટોલ કરવી જોઇએ. પ્લે સ્ટોર પર અનેક યુઝરે રિવ્યુમાં લખ્યું છે કે પેમન્ટ કરવા છતા તેઓ કોઇપણ ફર્મવેર ડાઉનલોડ કરી શકયા નથી.

નિષ્ણાતોના મતે એપના ડેવલપરે ચાલાકીથી એડ પ્રમોટ કરવાનું પ્લેટફોર્મ બનાવીને તેને સેમસંગના નામ સાથે જોડીને લોકોને ફસાવ્યા છે. પ્લે સ્ટોર પર એવી હજારો એપ છે જેના નામમાં કોઇ જાણીતી બ્રાન્ડ કે પ્રોડકટનું નામ ખુબીપુર્વક યુઝ કરાય છે. 

તેથી મોટાભાગના યુઝર્સ આ એપ જે તે કંપનીની ઓફિશિયલ એપ છે તેમ માની લે છે. પ્લે સ્ટોર પરથી આવી એપ ડાઉનલોડ કરતા પહેલા એપના નામની નીચે લખેલું તેના ડેવલપરનું નામ વાંચવું જોઇએ. એપ અંગે યુઝર્સના રીવ્યુ પર પણ એક નજર કરી લેવી જોઇએ.