નવી દિલ્હી: સાઉથ કોરિયાની મોટી ટેક કંપની સેમસંગે પોતાની લેટેસ્ટ ફ્લેગશિપ ફેબલેટ ગેલેક્સી નોટ 8 નું પ્રમોશન ખૂબ જ અનોખા અંદાજથી કર્યું. કંપનીએ આઇબેરિયા એરલાયન્સની ફ્લાઇટ નંબર IB 0513 માં સફર કરી રહેલા 200 યાત્રીઓને સેમસંગ ગેલેક્સી નોટ 8 સ્માર્ટ ફોન આપ્યા. આ યાત્રી લા કોરૂનાથી મેડ્રિડ બારાઝાસ તરફ જઇ રહી હતી.
આ ફોનની કિંમત આશરે 67 900 રૂપિયા છે. જે એન્ડ્રોઇડ નૂગા 7.1.1 પર ચાલે છે. એમાં 6.3 ઇંચની ક્વાડ એચડી પ્લસ સુપર એમોલ્ડ 'ફનફિનિટી' ડિસપ્લે છે. એમાં ઓક્ટાકોર ક્વોલકોમ સ્નેપડ્રેગન 835 પ્રોસેસર અને 6 જીબી રેમની સાથે 64 જીબી એક્સપેન્ડેબલ સ્ટોરેજ છે.
નોટ8 માં ડ્યૂલ બેક કેમેરો સેટઅપ આપવામાં આવ્યો છે. એમાં 12 મેગાપિક્સલના બે સેન્સર બેક પર છે અને ફ્રંટમાં 8 મેગાપિકસ્લનો કેમેરો આપવામાં આવ્યો છે. એમાં ફિંગરપ્રિન્ટ સેન્સર ફેસ સ્કેનિંગ અને સેમસંગ પે સપોર્ટ પણ છે. આ ફોનમાં 3300 એમએએચની બેટરી છે જ્યારે નોટ7 માં 3500 એમએએચની બેટરી આપવામાં આવી હતી.
કંપનીએ ફોનને વહેંચતા પહેલા વિમાનમાં મુસાફરી કરતાં લોકોને સ્પેનિશ ભાષામાં એક મેસેજ મોકલ્યો જેમાં લખવામાં આવ્યું હતું કે 'એક વર્ષ પહેલા અમે તમને એને સ્વિચ ઓફ કરવા માટે કહ્યું હતું. આજે અમે એની સાથે તમારું સ્વાગત કરે છે.'