તો હવે પ્રોજેક્ટર યુગનો અંત? હવે LED સ્ક્રિન પર જોવા મળશે ફિલ્મ

સેમસંગ અને ફિલ્મ એગ્ઝીબિશન કમ્પની પીવીઆરે થિયેટરમાં ફિલ્મ જોવાનો આખો અંદાજ બદલી નાખ્યો. સેમસંગ અને PVRએ ભાગીદારી સાથે ઓનિક્સ(Onyx) એલઈડી સ્ક્રિન રજૂ કરી છે. હવે તમારે સિનેમાં હોલમાં પળદો નહીં એલઈડી સ્ક્રીન પર ફિલ્મ જોવા મળશે અને આ સાથે 120 વર્ષ જૂના પ્રોજેક્ટર ઈતિહાસ બની જશે.

એલઈડી સ્ક્રિન પર તમને વાસ્તવિક રંગ જોવા મળશે. સાથે જ ફિલ્મની પિક્ચર ક્વોલિટી પણ શાનદાર હશે. Onyx સિનેમાની શરૂઆત દિલ્હીના બસંતકુંજ સ્થિત પીવીઆર આઈકનથી થઈ રહી છે અને આવનારા સમયમાં તેને ધીરે-ધીરે તમામ પીવીઆર સિનેમામાં શરૂ કરવામાં આવશે. તેની શરૂઆત સાથે જ પ્રોજેક્ટરની છુટ્ટી થઈ જશે.

Onyx એલઈડી સ્ક્રિનની લોન્ચિંગ દરમિયાન બોલીવુડ અભિનેતા રાજકુમાર અને અભિનેત્રી શ્રદ્ધા કપૂર પણ હાજર રહ્યા. જણાવી દઈએ કે ભારતમાં એલઈડી સ્ક્રિન પર રિલીઝ થનારી ભારતની પહેલી ફિલ્મ સ્ત્રી હશે. આ ફિલ્મ 31 ઓગસ્ટે રિલીઝ થઈ રહી છે.