જામનગરમાં જે ઘરે ઓમિક્રોન કેસ આવ્યો ત્યાં ચાલતા હતા ટ્યૂશન ક્લાસ, તમામ વિદ્યાર્થીઓના સેમ્પલ નેગેટિવ આવતા તંત્રએ રાહતનો શ્વાસ લીધો
જામનગરમાં તંત્રએ લીધો રાહતનો શ્વાસ
જે ઘરે ઓમિક્રોન કેસ આવ્યો ત્યાં ચાલતા ટ્યૂશન ક્લાસ
તમામ 7 વિદ્યાર્થીઓના ઓમિક્રોનના સેમ્પલ નેગેટિવ
જામનગરમાં વરિષ્ઠ નાગરિકના ઓમિક્રોન કેસ મામલે તંત્રએ રાહતનો શ્વાસ લીધો છે. જે ઘરે ઓમિક્રોન કેસ પોઝિટિવ આવ્યો હતો તે દર્દીના ઘરે ટ્યૂશન ક્લાસ ચાલતા હોવાનું સામે આવતા આરોગ્ય વિભાગનું સફાળું જાગ્યું હતું જે બાદ તમામ વિદ્યાર્થીઓના આરોગ્ય વિભાગ દ્વારા સેમ્પલ લેવામાં આવ્યા હતા. જો કે તમામ વિદ્યાર્થીઓના સેમ્પલ નેગેટિવ આવતા તંત્રએ રાહતનો શ્વાસ લીધો છે. મહત્વનું છે કે ઓમિક્રોન પોઝિટિવ દર્દીના ઘરના પરિવારજનોના રિપોર્ટ પણ લેવામાં આવ્યા હતા જેમાં હજુ પણ બે પરિવારના સભ્યોના રિપોર્ટ આવવાના બાકી છે.
તમામ 7 વિદ્યાર્થીઓના ઓમિક્રોનના સેમ્પલ નેગેટિવ
અહીં ઉલ્લેખનિય છે કે ઘરમાં દર્દી પોઝિટિવ થયો હોવા છતા ટ્યૂશન ક્લાસ ચાલુ રાખવામાં આવ્યા હતા. એટલું જ નહીં કોરોના રિપોર્ટ પોઝિટિવ આવ્યાના બે દિવસ સુધી ક્લાસ ચાલુ રખાતા કોઈ જાગૃત નાગરિક દ્વારા તંત્રને જાણ કરવામાં આવતા સમગ્ર કિસ્સો ધ્યાને આવ્યો હતો જે બાદ આરોગ્ય વિભાગે કાર્યવાહી હાથ ધરી હતી. ટ્યુશને આવતા 7 બાળકોને આઈડેન્ટિફાય કરી ટેસ્ટ કરવામાં આવ્યો હતો જે બાદ આજે તમામ 7 વિદ્યાર્થીઓના ઓમિક્રોનના સેમ્પલ નેગેટિવ આવતા તંત્રએ રાહતનો શ્વાસ લીધો છે.
ઓમિક્રોને અનેક દેશોની ચિંતા વધારી
દેશ અને દુનિયામાં કોરોનાના નવા વેરિએન્ટ ઓમિક્રોને અનેક દેશોની ચિંતા વધારી છે ત્યારે ભારતમાં પણ ઓમિક્રોન વેરિએન્ટની એન્ટ્રી થઈ ગઈ છે અટેલું જ નહીં ગુજરાતમાં પણ ઓમિક્રોન વેરિએન્ટનો એક કેસ નોંધાયો છે, એવામાં કોરોના કેસ પણ હવે ગોકળ ગતિએ વધી રહ્યા છે, ઓમિક્રોન વેરિએન્ટને લઈને રાજ્ય સરકાર દ્વારા કોરોના ગાઈડલાઈન બહાર પાડવામાં આવી છે, સાથે એરપોર્ટ પર વિદેશની આવતા લોકો પર ખાસ નજર રાખવામાં આવી રહી છે, વિદેશની પરત આવેલાઓનું એરપોર્ટ પર કોરોના ટેસ્ટિંગ કરવામાં આવી રહ્યું છે તેમને ફરજીયાત ક્વોરોન્ટાઈ રહેવાનો નિર્દેશ કરાયો છે.
UKથી પરત ફરેલી મહિલા કોરોના સંક્રમિત
વડોદરામાં UKથી પરત ફરેલી મહિલા કોરોના સંક્રમિત થતા તંત્ર દોડતું થયું છે. હાલ ઓમિક્રોન વેરિઅન્ટની તપાસ માટે મહિલાના સેમ્પલ પૂણે મોકલી દેવાયા છે મહત્વનું છે વડોદરાની ખાનગી હોસ્પિટલમાં ઓમિક્રોનના 4 શંકાસ્પદ દર્દી સારવાર હેઠળ છે ત્યારે વધુ એક મહિલાનો રિપોર્ટ પોઝિટિવ આવતા આરોગ્ય વિભાગ સજ્જ બન્યું છે. SSG હોસ્પિટલમાં ઓમિક્રોનના દર્દીઓ માટે 50 બેડ તૈયાર રખાયા છે તો 50 વેન્ટિલેટર અને ઓક્સિજન કન્સેન્ટ્રેટર અને સ્ટાફ સ્ટેન્ડબાય રાખી દેવામાં આવ્યો છે.