ચૂંટણી નજીક આવે છે તેમ તેમ દેશના નેતાઓના અનોખા રંગ જોવા મળી રહ્યા છે. લોકસભાની ચૂંટણી નજીક આવતા નેતાઓ મતદારોને રિઝવી રહ્યા છે. ભાજપના પ્રવકતા સંબિત પાત્રા મતદારોને રિઝવવા માટે જોરદાર પ્રચાર કરી રહ્યા છે. ઓડિશાની પુરી લોકસભાની ચૂંટણી પરથી સંબિત પાત્રાએ ઉમેદવારી નોંધાવી છે. તેમના જનસંપર્ક અભિયાનને લઈને તેમની તસવીરો સોશિયલ મીડિયા પર ફરતી થઈ છે.
ભાજપના રાષ્ટ્રીય પ્રવકતા અને હાલ ઓડિશાની પુરી બેઠકના ઉમેદવાર સંબિત પાત્ર પ્રચાર કરી રહ્યા છે. તેમને ગરીબોના ઘરની મુલાકાત લીધી હતી. આ સમયના વીડિયોની અમૂક તસવીરો સોશિયલ મિડિયા પર ફરતી થઈ છે. જેમાં ખાસ કરીને તેઓ કોઈ ગરીબના ઘરે જમવા બેઠા હતા અને નાના બાળકને જમાડતા હોય તેવી તસવીરો સામે આવી છે. આ તસવીરો પર કોંગ્રેસના નેતાઓ પ્રહાર કરી રહ્યા છે. બતાવી રહ્યા છે કે ભાજપના રાજમાં સરકાર ઉજ્જવલા યોજનાની વાતો કરે છે પરંતુ હકીકતમાં મહિલાઓ આજે પણ ચુલા પર જ જમવાનું બનાવી રહી છે. આ ઉપરાંત વિકાસની વાતો કરતી મોદી સરકારના પ્રવક્તાએ જ તેમની પોલ ખુલ્લી કરી હોવાની વાતો વહેતી થઈ છે. જનસંપર્ક અભિયાન અંતર્ગત આ વીડિયો પાત્રાએ મુકતા હાલ સોશિયલ મીડિયામાં રાજકારણ ગરમાયું છે.
સંબિત પાત્રાએ વીડિયો પોસ્ટ કર્યો હતો અને લખ્યું હતુ કે, આ પરિવાર તેમનો પોતાનો છે. એક માતાએ પુત્રને જમવાનું આપ્યું છે. આ વીડિયો થોડીવારમાં એટલો વાયરલ થયો કે બે કલાકમાં 45 હજારથી વધારે લોકોએ જોઈને શેર કર્યો હતો. હાલ આ વીડિયોને લઈને કોંગ્રેસ અને ભાજપના કાર્યકરોથી લઈને નેતાઓ આમને સામને આવી ગયા છે. એક બીજાની પાર્ટી પર આક્ષેપ પ્રતિ આક્ષેપ કરી રહ્યા છે. પુરીમાં 23 એપ્રિલે મતદાન થવાનું છે તે પહેલા હાલ ભાજપ દ્વારા પૂરજોરમાં પ્રચાર કરાઈ રહ્યો છે. અડિશામાં કુલ 21 લોકસભાની બેઠકો માટે મતદાન થવાનું છે.