ઉત્તર પ્રદેશના સંભલ જિલ્લાના વાયરલ વીડિયોમાં સબ ઈન્સ્પેક્ટર પાસે નીકર અને વેસ્ટ પહેરીને બેઠેલા અન્ય પોલીસકર્મીઓ પણ યુનિફોર્મ વગરના જોવા મળે છે.
પોલીસકર્મી ચડી અને વેસ્ટમાં ફરજ પર જોવા મળ્યો
ઉત્તર પ્રદેશની જિંજોડા પોલીસ ચોકીમાં જોવા મળ્યા દ્રશ્યો
એડીજીએ તમામ અધિકારીઓને અનુશાસન કરવા જણાવ્યું હતું
ઉત્તર પ્રદેશના સંભલ જિલ્લામાં પોલીસ ચોકીનું કામ કરતા એક સબ ઈન્સ્પેક્ટરનો વીડિયો સોશિયલ મીડિયા પર સતત વાયરલ થઈ રહ્યો છે. સોશિયલ મીડિયા પર વાયરલ થઇ રહેલા આ વીડિયોને રાજપુરા પોલીસ સ્ટેશન વિસ્તારની જિંજોડા પોલીસ ચોકીમાં તૈનાત ચોકી ઇન્ચાર્જ સબ ઇન્સ્પેક્ટરનો જણાવવામાં આવી રહ્યું છે. ત્રણ દિવસ પહેલા બરેલી ઝોનના એડીજીએ તમામ જિલ્લાના એસપીને પત્ર પાઠવીને પોલીસકર્મીઓને અનુશાસનનું પાલન કરવાની સૂચના આપી હતી. એડીજી દ્વારા જારી કરવામાં આવેલા પત્રમાં સ્પષ્ટપણે જણાવવામાં આવ્યું છે કે, પોલીસની છબી ખરડાય તેવું કોઇ કામ પોલીસકર્મીએ ન કરવું જોઇએ.
નીકર અને વેસ્ટ સાથે પોલીસ ચોકીમાં ફરજ બજાવી
નવાઈની વાત તો એ છે કે વાયરલ વીડિયોમાં સબ ઈન્સ્પેક્ટર પાસે નીકર અને વેસ્ટ પહેરીને બેઠેલા અન્ય પોલીસકર્મીઓ પણ યુનિફોર્મ વગરના જોવા મળે છે. આ ઉપરાંત અન્ય પોલીસકર્મીઓ પણ પોલીસ ચોકી પરિસરમાં સાદા કપડામાં ચાલી રહ્યા છે. સંભલમાં યુનિફોર્મ વગરના માત્ર નેકર વેસ્ટ પહેરીને સબ-ઇન્સ્પેક્ટરનો વાઇરલ થયેલો વિડિયો સામે આવ્યા બાદ સ્પષ્ટ થાય છે કે સબ-ઇન્સ્પેક્ટર અને અન્ય પોલીસકર્મીઓને એડીજીના આદેશથી કોઇ લેવાદેવા નથી અને પોલીસ વિભાગની છબી ખરડાય છે.
संभल में जिंजोडा पुलिस चौकी इंचार्ज पर आरोप लगा है कि वह बिना वर्दी के काम करते हैं. नेकर और बनियान में कामकाज करते हुए उनका वीडियो वायरल हो रहा है. pic.twitter.com/8V7wvLALmD
પોલીસ વિભાગ તરફથી કોઈ નિવેદન સામે નથી આવ્યું
હાલ આ વાયરલ વીડિયો પર પોલીસ વિભાગનું કોઇ નિવેદન સામે આવ્યું નથી કે આરોપી ચોકી ઇન્ચાર્જ તરફથી કોઇ સ્પષ્ટતા પણ કરવામાં આવી નથી. પરંતુ વાયરલ થઇ રહેલા વીડિયોને જોઇને અંદાજો લગાવી શકાય છે કે, પોલીસ ચોકીમાં કામ કરતા ચોકી ઇન્ચાર્જ અને અન્ય પોલીસકર્મીઓ પોતાના જ વિભાગના ઉચ્ચ અધિકારીઓના આદેશની કેવી રીતે મજાક ઉડાવી રહ્યા છે. ફરજના સમયગાળા દરમિયાન તમામ પોલીસકર્મીઓએ પોલીસનો ગણવેશ પહેરવો ફરજિયાત છે.