સમભાવ ગ્રુપે અખબાર અને ટીવીની જ્વલંત સફળતા બાદ, જુદા-જુદા સ્થળે રેડિયો સ્ટેશન શરુ કર્યા છે. ત્યારબાદ હવે ગુજરાતી ગીત-સંગીત માટે એવોર્ડનું આયોજન કરવામાં આવ્યું છે.
ગુજરાતના લોકપ્રિય TOP FMની અનોખી પહેલ
ગુજરાતી ગીત-સંગીત માટે ટોપ મ્યુઝિક એવોર્ડનું આયોજન
કુલ 21 કેટેગરીમાં અપાશે એવોર્ડ
દેશમાં ગુજરાતી ગીત સંગીત માટે અત્યાર સુધી કોઈ જ એવોર્ડ આપવામાં આવતા નથી. ત્યારે TOP FM દ્વારા અનોખી પહેલ કરવામાં આવી છે. આઠ રેડિયો સ્ટેશન ધરાવતાં અને ગુજરાતના લોકપ્રિય TOP FM દ્વારા ગુજરાતી ગીત સંગીત માટે એવોર્ડની શરૂ કરવામાં આવી છે. આ એવોર્ડ ગુજરાતી ગીત સંગીતમાં ટોપ મ્યુઝિક માટે એનાયત કરવામાં આવશે. આ એવોર્ડ વિતરણ કાર્યક્રમ આગામી 16 જાન્યુઆરીના રોજ યોજાશે.
21 કેટેગરીમાં એવોર્ડ થશે એનાયત
મળતી વિગતો પ્રમાણે, આ એવોર્ડ કુલ 21 કેટેગરી માટે આપવામાં આવશે. જેમાં ફિલ્મી મ્યુઝિક અને સ્વતંત્ર મ્યુઝિકનો પણ સમાવેશ કરવામાં આવ્યો છે. છેલ્લા ત્રણ વર્ષમાં ગુજરાતી મ્યુઝિકમાં જે સર્જન થયું છે તેમાંથી વિજેતા પસંદ કરવામાં આવશે. આ ટોપ મ્યુઝિક એવોર્ડની જ્યુરીની પેનલમાં ગુજરાતના જાણીતા કવિ તુષાર શુક્લ, સંગીતકાર અનિકેત ખાંડેકર, ઓસમાણ મીર તથા પાર્થિવ ગોહિલ અને પ્રિયા સરૈયા રહેશે.
તાજેતરમાં જ લોન્ચ કર્યું નવું જિંગલ
સમભાવ ગ્રુપના TOP FMએ સફળતાના 3 વર્ષ તાજેતરમાં સર કર્યા છે. 4-8-21ના રોજ ત્રણ વર્ષ પૂર્ણ થવા નિમિત્તે ઉજવણી કરવામાં આવી હતી. આ દરમિયાન TOP FMનું નવું જિંગલ પણ લોંચ કરવામાં આવ્યું.. આ પ્રસંગે TOP FMના સ્ટૂડિયોમાં ભવ્ય ઉજવણી કરવામાં આવી હતી. TOP FM દેશભરમાં 13 સ્ટેશન ધરાવે છે. જેમાંથી 8 સ્ટેશન ગુજરાતમાં આવેલા છે.