સામંથાની ટોલીવૂડમાં જબરદસ્ત ફેન ફોલોઇંગ છે અને તે દર્શકોનું મનોરંજન કરતી જોવા મળે છે. હાલમાં જ આવેલી વેબ સિરીઝ ધ ફેમિલી મેન 2માં તેના રોલને સમગ્ર ભારતમાંથી સારી પ્રશંસા મળી છે. હવે તે પોતાના અપકમિંગ પ્રોજ્ક્ટ્સ અને પર્સનલ લાઇફને લઇને ચર્ચામાં બનેલી છે. એક્ટ્રેસના એક નિવેદનથી ફેન્સ શોક થઇ ગયા છે.
સામંથાએ આપ્યું નિવેદન
ફિલ્મ સ્ટાર સામંથાએ હાલમાં એક ઇન્ટરવ્યૂમાં ખુલાસો કર્યો છે કે તે જલ્દી જ એક્ટિંગ છોડવાની છે. છેલ્લા 10-11 વર્ષથી તે સતત કામ કરી રહી છે. લગ્ન બાદ પણ તેણે બ્રેક લીધો નથી અને બેક ટુ બેક ફિલ્મોના શૂટિંગમાં બીઝી રહી છે. હવે તે એક નાનો બ્રેક લેવા માંગે છે. એક્ટ્રેસે કહ્યું કે તે 1-2 વર્ષનો બ્રેક લેવા માંગે છે, જે બાદ તે એક્ટિંગમાં પરત ફરશે.
એક્ટ્રેસે માગી માફી
જ્યારે ફેમિલીમેન 2 રિલીઝ થઇ ત્યારે સામંથાની એક્ટિંગની ખુબ પ્રશંસા થઇ હતી પરંતુ તમિળનાડુના IT મિનિસ્ટરે પત્ર લખીને કહ્યું હતું કે, તેમણે તમિળનાડુની જનતાના સેન્ટીમેન્ટને હર્ટ કર્યા છે. ત્યારે સામંથાએ એક ઇન્ટરવ્યૂમાં માફી માગી હતી.
આ ફિલ્મમાં બિઝી હતી સામંથા
એક્ટ્રેસ સામંથા અક્કીનેનીના કરિયરની વાત કરીએ તો હવે અભિનેત્રી શાકુંતલમ નામની ફિલ્મમાં નજર આવશે. આ ફિલ્મમાં અલ્લુ અર્જુનની દીકરી અરહા પણ ટોલીવૂડમાં ડેબ્યુ કરવા જઇ રહી છે.