પેટાચૂંટણી / VIDEO : રામપુર લોકસભા બેઠકની હાર ખમી ન શક્યાં આઝમખાન, સવાલ પૂછતા ગુસ્સામાં મનફાવે તેવું બોલ્યાં

• રામપુર લોકસભા બેઠક પર સમાજવાદી પાર્ટીના ઉમેદવારની હાર 
• સપા અને આઝમગઢનો ગઢ ગણાય છે રામપુર બેઠક
• રામપુરની હાર અંગે પૂછવામાં આવતા બગડ્યાં  આઝમગઢ

સમાજવાદી પાર્ટી અને તેના કદ્દાવર નેતા આઝમખાનનો ગઢ ગણાતી યુપીની રામપુર બેઠકની પેટાચૂંટણીમાં સપાને ભાજપને હાથે હાર વેઠવાનો વારો આવ્યો છે. આઝમગઢમાં એક જમાનામાં આઝમખાનના નામના સિક્કા પડતા હતા, આ બેઠક સપાનો ગઢ ગણાતી હતી પરંતુ ભાજપે સપાનો આ અભેદ કિલ્લો તોડી પાડ્યો છે. રામપુર બેઠક પર ભાજપના ધનશ્યામ લોધીની જીત થઈ છે તેમની સામે સપાના ઉમેદવાર આસીમ રજા હતા.

#WATCH | Samajwadi Party leader Azam Khan's angry response when asked about his party’s loss in the Rampur Lok Sabha by-poll pic.twitter.com/eKaNEIR7q4

— ANI UP/Uttarakhand (@ANINewsUP) June 26, 2022

રામપુરની હાર ન પચાવી શક્યા આઝમખાન, મનફાવે તેવું બોલ્યાં 
રામપુરમાં સમાજવાદી પાર્ટીની હાર અંગે જ્યારે આઝમખાનને પૂછવામાં આવ્યું ત્યારે તેઓ બરાબરના બગડ્યાં હતા અને મનફાવે તેવું બોલ્યું નાખ્યું હતું. એક પત્રકારે જ્યારે રામપુરની હાર પર આઝમખાનને સવાલ પૂછ્યો ત્યારે તેમની કમાન છટકી હતી અને આડુઅવળું બોલી ગયા હતા, આ ઘટનાનો એક વીડિયો પણ સામે આવ્યો હતો. 

સવાલ પૂછ્યો તો મીડિયા પર બગડ્યાં આઝમખાન 
 સ્થાનિક મીડિયાએ સપા નેતા આઝમ ખાન પાસેથી હારનું કારણ જાણવા માગ્યું તો આઝમ ખાન આ સવાલ પર ભડકી ઉઠ્યાં હતા. 
મીડિયાને ખખડાવતા આઝમખાને કહ્યું કે અમે શું કારણ આપીએ, તમે સાવ નિર્દોષ બની જાઓ, નિર્દોષ બનો, તમને કંઈ દેખાતું નથી. કંઈક તમે જોતા નથી, કંઈક તમે કહેવા માંગતા નથી, કહેવા પણ નથી માંગતા. સરકારની થપ્પડ વગાડો, બસ તેમના પૈસા પર મજા કરો, તો શું કહેવું? તમે પોતે જ જોઈ રહ્યા છો કે તમે લોકશાહીનો ચોથો સ્તંભ છો, તમારી ત્રીજી આંખ શું જોઈ રહી છે? આઝમે ગુસ્સામાં આગળ કહ્યું કે અમે કારણ કહીશું અથવા તમે અમને જણાવશો.

યુપીની આઝમગઢ અને રામપુર બેઠક સમાજવાદી પાર્ટીનો ગઢ

યુપીની આઝમગઢ બેઠક સમાજવાદી પાર્ટીનો ગઢ ગણાય છે પરંતુ પહેલી વાર સમાજવાદી પાર્ટીને હારનો સામનો કરવાનો વખત આવ્યો છે. આઝમગઢ લોકસભાની પેટાચૂંટણીમાં ભાજપે સમાજવાદી પાર્ટીના ઉમેદવારને હરાવી દીધા છે. 

11212 વોટોથી સપાના ઉમેદવાર ધર્મેન્દ્ર યાદવનો પરાજય 
આઝમગઢ લોકસભા પેટાચૂંટણીમાં ભાજપના દિનેશ લાલ યાદવ નિરહુઆનો 11212 વોટોથી વિજય થયો છે, તેમના પ્રતિસ્પર્ધી ઉમેદવાર અખિલેશના ભાઈ ધર્મેન્દ્ર યાદવને હારનો સામનો કરવો પડ્યો છે. રામપુર બેઠક પર થયેલી લોકસભાની પેટાચૂંટણીમાં પણ ભાજપની મોટી જીત થઈ છે. રામપુરમાં ભાજપના ધનશ્યામ લોધીએ જીત થઈ છે.