Wednesday, June 26, 2019
સબસ્ક્રાઈબ કરો VTVGujarati ન્યુઝ Whatsapp

રેડ / ખાણ કૌભાંડ : પૂર્વ મંત્રી ગાયત્રી પ્રજાપતિના ઘર સહિત 22 ઠેકાણાઓ પર CBIના દરોડા

ખાણ કૌભાંડ : પૂર્વ મંત્રી ગાયત્રી પ્રજાપતિના ઘર સહિત 22 ઠેકાણાઓ પર CBIના દરોડા

ગેરકાનૂની ખનન મામલે સીબીઆઇએ દિલ્હી અને ઉત્તરપ્રદેશમાં 22 જગ્યાઓ પર રેડ પાડી છે. સીબીઆઇએ યૂપીના પૂર્વ મંત્રી ગાયત્રી પ્રજાપતિના ઘર પર રેડ પાડી છે. યૂપીના હમીરપુરમાં પણ આ મામલે તપાસ અભિયાન ચાલુ છે. આ મામલો ગાયત્રી પ્રજાપતિ સાથે જોડાયેલો છે. આપને જણાવીએ કે આ વર્ષે જાન્યુઆરીમાં ઉત્તરપ્રદેશમાં ખાણ કૌભાંડ (Mining Scam)નો સીબીઆઇ (CBI) તપાસમાં મોટો ખુલાસો થયો હતો. 

2 જાન્યુઆરી 2019એ સીબીઆઇ દ્વારા નોધવામાં આવેલ ફરિયાદમાં બી ચંદ્રકલા સહિત 11 આરોપીઓના ક્રિમિનલ કોન્સિપિરેસીમાં સામેલ હોવા અંગેની વાત કહેવામાં આવી હતી. તેમા સપા અને બસપાના બે નેતાઓ સહિત કેટલાય બાબૂ અને દલાલ સામેલ હતા.

આપને જણાવીએ કે, સમાજવાદી પાર્ટીની સરકારમાં ગેરકાનૂની ખાણ કામને લઇને અલાહાબાદ હાઇકોર્ટમાં અલગ-અલગ અરજી કરાઇ હતી. અલાહાબાદ હાઇકોર્ટે 2016માં યૂપીમાં ગેરકાનૂની ખાણ કામ અંગે તપાસના આદેશ આપ્યા હતા. યૂપીના સાત પ્રમુખ જિલ્લામાં ગેરકાનૂની ખાણ ફરિયાદ અલાહાબાદ કોર્ટમાં કરવામાં આવી હતી. હમીરપુરમાં 2 જાન્યુઆરી 2019એ સીબીઆઇના ડેપ્યૂટી એસપી કેકે શર્માએ કેસ નોંધાયો હતો. આ કેસમાં 5 જાન્યુઆરીએ સીબીઆઇએ આઇએએસ બી.ચંદ્રકલાના લખનઉ સ્થિત ફ્લેટ સહિત 14 સ્થાનો પર દરોડા પાડ્યા હતા. 

આ મામલે આઇપીસીની ધારાઓ 379, 384, 420, 511, 120 B અને ભ્રષ્ટાચાર અધિનિયમ હેઠળ સંબંધિતો પર કેસ નોંધવામાં આવ્યા હતા. 2012થી 2016 વચ્ચે બાલૂમાં ગેરકાનૂની રીતે ખનન કામ કરવામાં આવ્યું હતું. 

સાતમાં આરોપી તરીકે સંજય દીક્ષિત પર પણ કેસ નોધાયો છે. સંજય દીક્ષિત 2017માં બસપાની ટિકિટ પર ચૂંટણી લડ્યા હતા. સંજયના પિતા સત્યદેવ દીક્ષિતના ઘરે પણ દરોડા પાડવામાં આવ્યા હતા. મહત્વની બાબત છે કે 2012 માં મુખ્યમંત્રી બન્યા બાદ અખિલેશ યાદવે ખાણ વિભાગ પોતાની પાસે રાખ્યો હતો. જે 2013 સુધી તેમની પાસે રહ્યો હતો, બાદમાં ગાયત્રી પ્રજાપતિ મંત્રી બન્યા હતા. 
 

Gayatri Prajapati Samajwadi Party Illegal Mining Case National News uttar pradesh Dehli Political News cbi

જોવા જેવું વધુ જુઓ

બ્રેકિંગ ન્યૂઝ