દક્ષિણ ગુજરાતમાં સાંબેલાધાર વરસાદ વચ્ચે.DGVCLના એક વીજ કર્મચારીએ છાતી સુધીના પાણી ચીરીને ખોરવાયેલો વીજ પૂરવઠો પૂર્વવત કર્યો.વિભાગે કર્યું કર્મચારીનું સન્માન
સુરતમાં DGVCLના વિદ્યુતકર્મીની નિષ્ઠા
છાતી સરખા પાણીમાં વીજ પૂરવઠો ચાલુ કર્યો
વિદ્યુત વિભાગે કર્મચારીનું કર્યું સન્માન
ગુજરાતમાં ભારેથી અતિભારે વરસાદની આગાહી તો છે જ પરંતુ છેલ્લા ત્રણ-ચાર દિવસથી જે રીતે દક્ષિણ ગુજરાતમાં સાંબેલાધાર વરસાદ વરસે છે તેથી પ્રજાને હાલાકી વધુ પડી રહી છે.દરમિયાન એક જાંબાઝ કર્મીનો વિડીયો વાયરલ થયો છે.DGVCLનો આ વીજ કર્મચારી છાતી સુધીના પાણી ચીરીને ખોરવાયેલો વીજ પૂરવઠો પૂર્વવત કરતો જણાયો. આખરે આ વિધુત કર્મીની મહેનત રંગ લાવી અને સચિન વિસ્તારના ખરવાસા વિસ્તારમાં ભારે વરસાદ અને છાતી સુધીના પાણી વચ્ચે સ્થાનિકોએ તેમને સલામ પણ મારી. વિડીયો વાયરલ થયા બાદ,DGVCLના ચેરમેને વિદ્યુત સહાયકનું સન્માન પણ કર્યું હતું.
ડાંડ કર્મચારીઓ માટે પ્રેરણારૂપ
વરસોથી સરકારી સેવામાં રહીને જેમના હાડકા હરામના થઈ ગયા છે તેમના માટે આ વિદ્યુતકર્મી એક પ્રેરણારૂપ ઉદાહરણ છે.ગુજરાતમાં દરવર્ષે મહાનગરો અને ગ્રામ્ય વિસ્તારોમાં પાણી ભરાવાથી માંડીને સડકો તૂટવા જેવી ઘટના પ્રતિવર્ષની છે.કામ પ્રત્યેની નીશ્તા અને લગન હોય તો બધું જ શક્ય છે. મહાપાલિકામાં પ્રિ-મોન્સૂન કામગીરી દરવર્ષે થાય છે.દરવર્ષે એ જ જગ્યાએ પાણી ભરાય છે ત્યારે સવાલ એ થાય કે આ મહાપાલિકા કર્મીઓ એવી કેવી કામગીરી કરે છે કે, દર વર્ષે શહેરની એ જ જગ્યાએ પાણી ભરાય છે. પાણી ઓસરી ગયા પછી આ વિભાગ ચેકિંગમાં નીકળે છે. પછી સીધી આવતા વર્ષે વાત. આવા કર્મચારીઓએ DGVCLના વિદ્યુત કર્મી જેવી નિષ્ઠા દાખવવી જોઈએ.