બોડેલી પોલીસ સ્ટેશનના PSI લોકો માટે દેવદૂત બન્યા હોય તેમ ગળા સુધી ભરાયેલા પાણીમાં PSIએ લોકોનું રેસ્ક્યૂ કર્યું
બોડેલી પોલીસ સ્ટેશનના PSI લોકો માટે બન્યા દેવદૂત
PSI અશ્વિન સરવૈયા લોકો માટે બન્યા દેવદૂત
PSIએ લોકોનું ગળા સુધી ભરાયેલા પાણીમાં ખભે બેસાડી કર્યું રેસ્કયુ
લોકોએ દેવદૂત સમાન પીએસઆઈના કામગીરીના કર્યા વખાણ
છોટાઉદેપુરમાં ભારે વરસાદ વચ્ચે પોલીસની સરાહનિય કામગીરી સામે આવી છે. બોડેલી પોલીસ સ્ટેશનના PSI લોકો માટે દેવદૂત બન્યા હોય તેમ ગળા સુધી ભરાયેલા પાણીમાં PSIએ લોકોનું રેસ્ક્યૂ કર્યું હતું. PSIએ એક મહિલા અને બાળકને ખભે બેસાડી લોકોને પાણીમાંથી બહાર કાઢ્યા હતા. PSIનો આ વિડીયો સોશિયલ મીડિયામાં વાયરલ થતાં લોકોએ તેમાં ખૂબ વખાણ કર્યા હતા.
PSI અશ્વિન સરવૈયાએ અનેક લોકોના બચાવ્યા જીવ
છોટા ઉદેપુરમાં ભારે વરસાદને કારણે તારાજી સર્જાઇ છે. જેને લઈ જાણજીવન અસ્ત વ્યસ્ત બની ગયું છે. આ દરમ્યાન બોડેલી પોલીસના PSI અશ્વિન સરવૈયાનો વિડીયો હાલ સોશિયલ મીડિયામાં વાયરલ થઈ રહ્યો છે. જેમાં તેઓએ એક મહિલા અને બાળકને ખભે બેસાડી લોકોને પાણીમાંથી બહાર કાઢ્યા હતા. PSIનો આ વિડીયો સોશિયલ મીડિયામાં વાયરલ થતાં લોકોએ તેમાં ખૂબ વખાણ કર્યા હતા.
છોટા ઉદેપુરમાં વરસાદથી તારાજી
રાજ્યમાં મેઘરાજાએ ધડબદાટી બોલાવી હોવાથી ઠેર ઠેર વરસાદી પાણી ભરાઈ ગયા છે. આ તરફ ભારે વરસાદને કારણે છોટાઉદેપુર જિલ્લાની હાલત દયનીય બની છે. છોટાઉદેપુરના બોડેલી બોડેલીના વર્ધમાનનગરમાં પાણી ભરાઈ જતાં લોકો પોતાની મકાનની સફાઈમાં લાગ્યા છે. જેમાં લોકોના જરૂરી દસ્તાવેજ પણ પાણીમાં તણાયા હોવાનું સામે આવ્યું છે.
છોટા ઉદેપુર જિલ્લામાં ભારે વરસાદને કારણે નીચાણવાળા વિસ્તારો પાણીમાં ગરકાવ થયા છે. આ તરફ છોટાઉદેપુરમાં ભારે વરસાદને કારણે આવતીકાલથી આગામી આદેશ ન મળે ત્યાં સુધી શાળા-કોલેજો બંધ રાખવાનો નિર્ણય લેવામાં આવ્યો છે. આ તરફ છોટા ઉદેપુરના બોડેલી, નસવાડી, ક્વાંટ અને ડભોઇમાં ભારે વરસાદને કારણે તારાજી સર્જાઇ છે.