તમારા કામનું / જીમમાં વર્ક આઉટ પહેલા આ એક ઉપાયથી થશે મોટો ફાયદો, ચપટી મીઠુ આપશે ભરપૂર ઊર્જા

• ચપટી મીઠુ આપી શકે છે ભરપૂર ઊર્જા 
• વર્ક આઉટ પહેલા અપનાવો આ ટિપ્સ 
• કસરત વખતે નહી લાગે થાક કે કમજોરી 

વજન ઘટાડવા માટે ડાયેટ અને એક્સરસાઈઝ બંને જરૂરી છે. પરંતુ આવું રૂટાન ફોલો કરતી વખતે યોગ્ય માહિતી હોવી જરૂરી છે. કસરત કરવાથી શરીરમાં જમા ફેટ બર્ન થાય છે અને યોગ્ય ડાયેટ ફોલો કરવાથી તેમાં મદદ મળે છે. જીમમાં કલાકો વર્કઆઉટ કર્યા પહેલા પ્રોટીનથી ભરપૂર ડાયેટ ખાવાની સલાહ આપવામાં આવે છે. 

વર્કઆઉટ કરતા પહેલા કેળા અથવા ડ્રાયફ્રુટ્સ ખાવાથી તમને એનર્જી મળે છે. પરંતુ શું તમે જાણો છો કે માત્ર એક ચપટી મીઠું ખાવાથી તમને વર્કઆઉટ દરમિયાન ભરપૂર એનર્જી મળે છે. કસરત પહેલા 1 ચપટી મીઠું કસરત દરમિયાન તમને શક્તિ આપે છે. તેનાથી શરીરને એનર્જી ઉપરાંત અન્ય ઘણા સ્વાસ્થ્ય લાભો પણ મળે છે. અમે તમને આ ફાયદાઓ વિશે જણાવવા જઈ રહ્યા છીએ.

એક ચપટી મીઠું કસરત અને વજન ઘટાડવામાં કરશે મદદ 

હાઇડ્રેટેડ રહેશો 
કસરત કરતા પહેલા મીઠું ખાવાથી શરીરમાં પાણીની કમી નથી થતી. વર્કઆઉટ દરમિયાન ખૂબ પરસેવો થાય છે. આવી સ્થિતિમાં શરીરને હાઇડ્રેટ રાખવા માટે તમારે મીઠાનું સેવન કરવું જોઈએ. વર્કઆઉટ દરમિયાન 1 ચપટી મીઠું ખાવાથી તમે હાઇડ્રેટેડ રહે છે.

બીપી લેવલ
વર્કઆઉટ કરતી વખતે હાઈ અને લો બ્લડ પ્રેશરનું જોખમ રહેલું છે. જો તમે કસરત કરતા પહેલા મીઠું ખાશો તો તેનાથી બ્લડ પ્રેશર કંટ્રોલમાં રહે છે. તેનાથી લો બીપીની સમસ્યા નથી થતી.

મસલ્સમાં આરામ
કસરત કર્યા પછી મસલ્સ પેઈન ખૂબ જ થાય છે. આવી સ્થિતિમાં મીઠું ખાવાથી શરીરમાં બ્લડ સર્કુલેશન સારૂ રહે છે. વર્કઆઉટ પહેલા મીઠું ખાવાથી મસલ્સમાં દુખાવો પણ ઓછો થાય છે.

એનર્જી વધે છે
જે લોકો જીમમાં કલાકો સુધી હાઈ ઈન્ટેન્સિટી એક્સરસાઇઝ અથવા વેઈટ ટ્રેઈનિંગ કરે છે. તેઓ વર્કઆઉટ પહેલા મીઠું ખાઈને એક્સરસાઇઝ કરતી વખતે વધુ એનર્જી મેળવે છે. આવી સ્થિતિમાં કસરત દરમિયાન થાક કે નબળાઈનો અનુભવ થતો નથી.

બોડી ટેમ્પ્રેચર
કસરતને કારણે શરીરનું તાપમાન વધી જાય છે. આવી સ્થિતિમાં મીઠું ખાવાથી લોહીનો પ્રવાહ સારો રહે છે અને તાપમાન પણ જળવાઈ રહે છે. મીઠું ખાવાથી પણ શરીરમાં એનર્જી જળવાઈ રહે છે.