બિશ્નોઈએ કહ્યું, "હું અત્યારે ગુંડો નથી, પણ સલમાન ખાનને માર્યા પછી ગુંડો બની જઈશ. મારા જીવનનું લક્ષ્ય સલમાન ખાનને મારવાનું છે.
લોરેન્સ બિશ્નોઈએ ફરી એકવાર સલમાન ખાનને ધમકી આપી
સલમાન ખાનનો અહંકાર રાવણ કરતા પણ મોટો છે
બાળપણથી સલમાનને મારવા વિશે વિચારું છું
ગેંગસ્ટર લોરેન્સ બિશ્નોઈ ફરી એક વખત ચર્ચામાં આવ્યો છે. હાલમાં જ જેલમાંથી આપેલા એક ઈન્ટરવ્યુના કારણે તે ચર્ચામાં આવ્યો હતો. જણાવી દઈએ કે એમને આ ઈન્ટરવ્યુમાં ઘણી વાતો કહી છે. આ સાથે જ તેને ફરી એકવાર સલમાન ખાનને ધમકી આપી પણ છે. હાલ આપેલ ઈન્ટરવ્યુમાં લોરેન્સે ખુલ્લેઆમ સ્વીકાર્યું હતું કે તે સલમાન ખાનને મારવા માંગે છે.
સલમાન ખાનનો અહંકાર રાવણ કરતા પણ મોટો છે
બિશ્નોઈએ કહ્યું, "હું અત્યારે ગુંડો નથી, પણ સલમાન ખાનને માર્યા પછી ગુંડો બની જઈશ. મારા જીવનનું લક્ષ્ય સલમાન ખાનને મારવાનું છે. જો સુરક્ષા હટાવી દેવામાં આવશે તો હું સલમાન ખાનને મારી નાખીશ. હું 4-5 વર્ષથી સલમાન ખાનને મારવા માંગુ છું. જો તે માફી માંગે તો મામલો ખતમ થઈ જશે પણ સલમાન ઘમંડી છે, મૂઝવાલા પણ એવો જ હતો. સલમાન ખાનનો અહંકાર રાવણ કરતા પણ મોટો છે."
સલમાને માફી માંગવી પડશે નહિંતર...
આ સિવાય લોરેન્સે કહ્યું કે 'સલમાને બિકાનેરના અમારા મંદિરમાં જઈને અને માફી માંગવી પડશે નહિંતર, પરિણામોનો સામનો કરવો પડશે. અમે ઈચ્છીએ છીએ કે સલમાન અમારા સમાજ સામે આવે અને માફી માંગે. રાજસ્થાનમાં સલમાને અમારા સમાજના મંદિર જંભેશ્વર જીની સામે આવીને માફી માંગવી જોઈએ, જો સમાજના લોકો તેને માફ કરી દે તો મને કોઈ વાંધો નથી.
બાળપણથી સલમાનને મારવા વિશે વિચારું છું
આગળ વાત કરતાં લોરેનસે કહ્યું કે 'હું બાળપણથી જ સલમાનને મારવાની કોશિશ કરું છું. બાળપણથી મારું એક જ ધ્યેય છે અને તે છે સલમાન ખાનને મારવાનું. 'તેનું કારણ જણાવતા લોરેનસે કહ્યું કે, 'જ્યારે તે ચાર-પાંચ વર્ષનો હતો ત્યારે સલમાને શિકાર કરતી વખતે એક કાળા હરણને મારી નાખ્યું હતું, જેને બિશ્નોઈ સમુદાય દ્વારા પૂજવામાં આવે છે અને ત્યારથી હું સલમાનથી નારાજ છું.
આ સાથે બિશ્નોઈએ ગુનાની દુનિયા છોડીને ગૌ સેવા કરવાની ઈચ્છા વ્યક્ત કરી હતી.