અભિનેતા સલમાન ખાન પર એક પત્રકાર સાથે મારપીટનો આરોપ હતો, જેમાં કોર્ટે હવે સ્ટેને 13 જૂન સુધી લંબાવીને સલમાન ખાનને રાહત આપી છે.
સલમાન ખાન પર પત્રકાર સાથે મારપીટનો આરોપ
કોર્ટ સુધી પહોંચ્યો મામલો
2019ની ઘટના
સલમાન ખાન પર પત્રકાર સાથે મારપીટનો આરોપ
સલમાન ખાન પર કથિત રૂપે પત્રકાર સાથે દુર્વ્યવહાર કરવાનાં આરોપ લાગ્યા હતા. મામલામાં સુપર સ્ટાર સલમાન ખાનને એક વાર ફરી બોમ્બે હાઈ કોર્ટે રાહત આપી છે. સલમાન ખાનનાં વકીલે ગયા મહીને હાઈ કોર્ટમાં સમન્સને પડકાર આપ્યો હતો, જ્યાર બાદ સ્ટેને 5 મે સુધી વધારી દેવામાં આવ્યો હતો. ગુરુવારે સ્ટેને 13 જૂન સુધી વધારવામાં આવ્યો હતો. હવે ફરિયાદકર્તાએ બોમ્બે એચસીમાં એક એફિડેવિટ દાખલ કર્યું છે, જેમાં કોર્ટનાં નિર્ણયનો વિરોધ કરવામાં આવ્યો છે. સમન પર રોક વધારીને સલમાન ખાનને રાહત આપવામાં આવી છે. પોતાના એફિડેવિટમાં અશોક પાંડેએ કથિત રૂપે કહ્યું છે કે અંધેરી મેજીસ્ટ્રેટ અદાલતનાં નિયમોની ઉચિત પ્રક્રિયાનું પાલન કરવા અને સાબિતી તથા મામલાની ગંભીરતાને ધ્યાનમાં રાખતા સલમાન ખાન અને તેમના બોડીગાર્ડને સમન્સ જાહેર કર્યા હતા.
શું છે પત્રકાર પાંડેનો આરોપ?
જણાવી દઈએ કે પોતાના આરોપોમાં પત્રકારે કહ્યું હતું કે સલમાન ખાને પોતાના બોડીગાર્ડ સાથે મળીને તેમને ધમકી આપી હતી. આવામાં ત્યાર બાદ સલમાન ખાન સામે એક સમન્સ જહેર કરાયું હતું. જોકે બોડીગાર્ડ શેખે પણ તેને પડકાર આપ્યો હતો અને એક ફરિયાદ દાખલ કરાવી હતી. સલમાન અને શેખની ફરિયાદો પર ન્યાયાધીશ એન. જે. ઈમાનદારની સુનાવણીમાં બંને સામે સમન્સ પર રોકની તારીખને જૂન સુધી લંબાવવામાં આવી છે.
શું છે સમગ્ર મામલો?
વર્ષ 2019માં અશોક પાંડેએ સલમાન ખાન અને તેમના બોડીગાર્ડ નવાઝ શેખ પર આરોપ લગાવ્યા હતા કે બંનેએ તેમની સાથે દુર્વ્યવહાર કર્યો હતો. તે સમયે આ પત્રકાર સલમાન ખાનનો વીડિયો લઇ રહ્યા હતા, સલમાન પોતાની સાઈકલ પર નીકળ્યા હતા. પત્રકારે એમ પણ આરોપ લગાવ્યો હતો કે આ દરમિયાન સલમાન ખાને તેમના હાથથી ફોન પણ છીનવી લીધો હતો. જ્યારે પત્રકારે આ પર સલમાન સાથે દલીલ કરવા માંગી, તો સલમાને તેમને ડરાવી ધમકાવીને ચુપ કરાવી દીધા. જ્યારે સલમાન ખાનનું કહેવું છે કે આ ઘટના દરમિયાન તેમણે પત્રકારને કંઈપણ કહ્યું ન હતું.