અલી અબ્બાસ ઝફરની આગામી ફિલ્મ ‘ભારત'ની કાસ્ટમાં વધુ એક અભિનેત્રીનો સમાવેશ થયો છે. મહેન્દ્ર સિંહ ધોનીની બાયોપિક અને રિસન્ટલી ‘બાગી 2'ની સક્સેસથી લાઇમલાઇટમાં આવનારી દિશા પટની આ ફિલ્મમાં સલમાન ખાન પ્રિયંકા ચોપરા અને સુનીલ ગ્રોવર સાથે જોવા મળશે.
સૂત્રો દ્વારા મળતી માહિતી મુજબ આ ફિલ્મનું શૂટિંગ જુલાઈથી શરૂ થશે. આ ફિલ્મ વાસ્તવમાં સાઉથ કોરિયન ફિલ્મ ‘ઓડ ટુ માય ફાધર'નું ઓફિશિયલ એડપ્ટેશન છે. જેને ભૂષણ કુમાર સાથે મળીને પ્રોડ્યૂસ કરી રહેલા અતુલ અગ્નિહોત્રીએ કહ્યું હતું કે ‘ભારત'ની શરૂઆત 1947માં થાય છે અને 2000ના દશકમાં એની કહાણીનો અંત આવે છે.
અલી અબ્બાસ ઝફરે કહ્યું હતું કે ‘1960ના દશકમાં સરકસના સેટ-અપમાં સલમાન અને દિશાની જોડી અસામાન્ય અને એક્સાઇટિંગ રહેશે. દિશા પ્રોમિસિંગ સ્ટાર છે અને આ ભૂમિકા માટે અમે એવી એક્ટ્રેસ ઇચ્છતા હતા કે જે બ્યૂટિફુલ હોય અને સાથે જેને સરળતાથી નુકસાન પહોંચાડી શકાય એવી જણાય આમ છતાં જેની એથ્લેટ જેવી ફિઝિકાલિટી હોય.
તમને જણાવી દઈએ કે આ ફિલ્મ માટે ઇન્ડિયામાં પંજાબ અને દિલ્હી સિવાય અબુ ધાબી અને સ્પેનમાં પણ શૂટિંગ કરવામાં આવશે. દિશાએ કહ્યું હતું કે ‘હું ‘ભારત'નો ભાગ બનવાથી એક્સાઇટેડ છું.
આ ઉપરાંત દિશાએ કહ્યું કે સલમાન સર સાથે કામ કરવાની તક મળવી એ સપનું સાકાર થવા જેવું છે અને હું આ જર્ની શરૂ થાય એની રાહ જોઈ શકતી નથી. હું અલી અબ્બાસ સરની કામગીરીની બિગ ફેન છું.'