સલમાન ખાનનો આજે બર્થ ડે છે અને બર્થ ડે પર ભાઇજાનને એક અનમોલ ગિફ્ટ મળી છે, તે બીજી વખત મામા બન્યો છે, સલમાનની બહેન અર્પિતા ખાને દિકરીને જન્મ આપ્યો છે.
ઉલ્લેખનીય છે કે, અર્પિતાએ ડિલિવરી માટે ખાસ 27 ડિસેમ્બરનો દિવસ પસંદ કર્યો હતો કારણ કે તે ભાઇ સલમાન ખાનને 54માં બર્થ ડે પર ખાસ ગિફ્ટ આપવા ઇચ્છતી હતી. ગઇ કાલે રાત્રે સલમાનની બર્થડે કેક કટ કર્યા બાદ અર્પિતા મુંબઈની હિન્દુજા હોસ્પિટલમાં એડમિટ થઇ ગઈ હતી અને તેણે દિકરીને જન્મ આપ્યો. તેનું નામ ‘આયાત’ રાખવામાં આવ્યું છે.
અર્પિતાના પતિ અને બોલિવુડ એક્ટર આયુષ શર્માએ પોતાના ઑફિશ્યલ સોશ્યલ મીડિયા એકાઉન્ટ ઇન્સ્ટાગ્રામ પર દિકરીના જન્મની વાત શૅર કરતાં લખ્યું કે, ‘અમારી દિકરી આયાત શર્મા આવી ગઈ છે. તમારા બધાનો પ્રેમ અને આશીર્વાદ માટે આભાર.’
આ સાથે જ એક સ્ટેટમેન્ટ રિલીઝ કરતાં અર્પિતા અને આયુષે કહ્યું કે, ‘અમને એ જણાવીને અનહદ ખુશી થઇ રહી છે કે અમારા ઘરે દિકરી જન્મી છે. આ ખાસ અવસર પર અમે પરિવાર, મિત્રો અને દરેક શુભચિંતકોનો તેમના પ્રેમ અને સહયોગ બદલ આભાર માનીએ છીએ. આ સફર તમારા બધાના પ્રેમ અને આશીર્વાદ વગર પૂરો થઇ શક્યો ન હોત.’
અર્પિતા-આયુષે 8 નવેમ્બર 2014ના રોજ લગ્ન કર્યા હતા. માર્ચ 2016માં તેમના પહેલા બાળક આહિલનો જન્મ થયો હતો. આયુષ શર્માએ 2018માં આવેલ લવરાત્રિથી બોલિવુડમાં ડેબ્યુ કર્યુ હતુ.