મુંબઈ પોલીસે સલમાન ખાનની સુરક્ષા વધારી દીધી છે. ધમકીભર્યા મેલ મળ્યા બાદ મુંબઈ પોલીસે સલમાનના બાંદ્રા સ્થિત ઘર ગેલેક્સી એપાર્ટમેન્ટની બહાર એક અસ્થાયી પોલીસ ચોકી બનાવી છે.
ગેલેક્સી એપાર્ટમેન્ટની બહાર પોલીસ ચોકી બનાવવામાં આવી
સલમાન આ ધમકીને એકદમ સામાન્ય રીતે લઈ રહ્યો છે
સલમાન પાસે પહેલેથી જ Y કેટેગરીની સુરક્ષા છે
બોલિવૂડના 'દબંગ' સલમાન ખાનના જીવન પર મંડરાયેલો ખતરો અટકવાનું નામ નથી લઈ રહ્યો. જણાવી દઈએ કે સલમાન ખાનને ગેંગસ્ટર ગોલ્ડી બરારે ધમકી આપી છે. જે બાદ તેમના ઘરની બહાર કડક સિક્યોરીટી કરી દેવામાં આવી છે. આ સાથે જ આખી રાત મુંબઈ પોલીસના કર્મચારીઓ સલમાન ખાનના બાંદ્રા સ્થિત ઘર ગેલેક્સીની બહાર પેટ્રોલિંગ કરતા પણ મળ્યા હતા.
ગેલેક્સી એપાર્ટમેન્ટની બહાર પોલીસ ચોકી બનાવી
મુંબઈ પોલીસે બોલિવૂડ સુપરસ્ટાર સલમાન ખાનની સુરક્ષા વધારી દીધી છે. આ સાથે જ ધમકીભર્યા મેલ મળ્યા બાદ મુંબઈ પોલીસે સલમાનના બાંદ્રા સ્થિત ઘર ગેલેક્સી એપાર્ટમેન્ટની બહાર એક અસ્થાયી પોલીસ ચોકી બનાવી છે. જેમાં બે આસિસ્ટન્ટ પોલીસ ઈન્સ્પેક્ટર (API) અને 8-10 કોન્સ્ટેબલ 24 કલાક માટે તૈનાત રહેશે. સલમાનના ઘર પાસે ચાહકોની ભીડ એકઠી થઈ શકશે નહીં.
Mumbai Police beefs up security outside actor Salman Khan's residence after threat email
નોંધનીય છે કે સલમાન પાસે પહેલેથી જ Y કેટેગરીની સુરક્ષા છે અને ઘરની બહાર બુલેટ પ્રુફ વાહનમાં જ જાય છે, જેમાં તેના ખાનગી ગાર્ડ પણ રહે છે.
સલમાન આ ધમકીને એકદમ સામાન્ય રીતે લઈ રહ્યો છે
આ બધા વચ્ચે એક રિપોર્ટમાં જાણવા મળ્યું છે કે સલમાનના નજીકના મિત્રએ કહ્યું હતું કે આ બાબતોથી સલમાનને કોઈ ફરક પડતો નથી, એમના જણાવ્યા અનુસાર “સલમાન આ ધમકીને એકદમ સામાન્ય રીતે લઈ રહ્યો છે. અથવા એવી એક્ટિંગ કરી રહ્યો છે જેથી તેમના માતાપિતાને ચિંતા ન થાઈ. આ સાથે જ સલમાનના પિતા સલીમ ખાન પણ ખૂબ જ શાંત દેખાઈ રહ્યા છે પણ આખો પરિવાર જાણે છે કે સલીમ ખાન રાત્રે સૂઈ શકતા નથી."
આવનારી ફિલ્મ ટાઈમ પર જ રિલીઝ થશે
આગળ એમને એમ પણ કહ્યું હતું કે સલમાન આ કડક સુરક્ષાની વિરુદ્ધ પણ હતો. "સલમાનને લાગે છે કે આવું કરીને તમે તે વ્યક્તિ પર વધુ ધ્યાન આપી રહ્યા છો જેને ધમકી આપી હતી. ડરના કારણે સુરક્ષા જેટલી વધારશો તેટલો તે તેની યોજનામાં સફળ થશે. જ્યારે જે થવાનું છે, તે થશે પણ ફેમિલી પ્રેશરને કારણે સલમાને તેના તમામ બહારના પ્લાન્સ કેન્સલ કરી દીધા છે. જો કે તેની આવનારી ફિલ્મ કિસી કા ભાઈ કિસી કી જાનના વર્ક શેડ્યૂલમાં કોઈ ફેરફાર કરવામાં આવ્યો નથી. ' જણાવી દઈએ કે આ ફિલ્મ ઈદ પર રિલીઝ થવાની છે.
હજુ સમય છે વાત કરી લો નહીં તો આવતી વખતે ઝટકો જોવા મળશે
જણાવી દઈએ કે 18 માર્ચે સલમાનના મેનેજર પ્રશાંત ગુંજલકરને ધમકીભર્યો ઈ-મેલ મોકલવામાં આવ્યો હતો, જેમાં સલમાન ખાન સાથે 'વાત' કરવાની માંગ કરવામાં આવી છે. આ મેલ રોહિત ગર્ગના નામે મળ્યો છે. ઈ-મેલમાં લખ્યું હતું કે, 'ગોલ્ડી બરારને તમારા બોસ એટલે કે સલમાન ખાન સાથે વાત કરવી છે. તેણે ઈન્ટરવ્યુ જોયો હશે, જો તમે ના જોયો હોય તો તેને જોવા માટે કહો. જો તમારે આ આખો કિસ્સો બંધ કરવો હોય તો વાત કરી લેજો, જો તમારે રૂબરૂ કરવી હોય વાત તો તેમ કહો. મેં તમને સમયસર જાણ કરી છે હવે આવતી વખતે ઝટકો જોવા મળશે...' આ ઈ-મેલ હિન્દીમાં લખવામાં આવ્યો હતો
રોહિત ગર્ગ'ના આઈડી પરથી ઈ-મેલ મળ્યો
આ વિશે એફઆઈઆર નોંધવામાં આવી છે અને અધિકારીએ આ વિશે જાં કરતાં કહ્યું હતું એ, 'ગુંજલકર નામનો કર્મચારી શનિવારે બપોરે ખાનના ગેલેક્સી એપાર્ટમેન્ટમાં ઓફિસમાં હતો ત્યારે તેણે જોયું કે 'રોહિત ગર્ગ'ના આઈડી પરથી ઈ-મેલ આવ્યો હતો અને ધમકી આપવામાં આવી હતી. આ બાદ પોલીસે ભારતીય દંડ સંહિતાની કલમ 120-B, 506-II અને 34 હેઠળ એફઆઈઆર નોંધી છે. બાદ સલમાનના ઘર ગેલેક્સી એપાર્ટમેન્ટની સુરક્ષા વધારી દેવામાં આવી છે.