કોરોના મહામારી અને લૉકડાઉનના આ સમયમાં સૌ કોઇ કોરોનાથી જીતવા માટેના બનતા દરેક પ્રયત્નો કરી રહ્યાં છે. ત્યારે કેટલાક તત્વો સોશિયલ મિડિયાના માધ્યમથી જાતિવાદ અને ધર્મવાદાના ઝંડા ઉંચા રાખવા મથી રહ્યાં છે. ત્યારે સલમાન ખાને સૌને મેસેજ આપતું એક ગીત બનાવ્યું છે જેનું ટાઇટલ છે 'ભાઇ-ભાઇ'
ભાઇજાનનો પ્રયાસ
પનવેલ ફાર્મહાઉસમાં કર્યું શૂટ
સલમાન ખાનને હિન્દુ, મુસ્લિમ, શીખ કે ઇસાઇ દરેક વ્યક્તિ ભાઇજાનના નામે સંબોધે છે. ત્યારે સલમાન ખાન પણ રમઝાનની સાથે સાથે ગણેશ ચતુર્થી, દિવાળી વગેરે તહેવારો ઉજવે છે અને સર્વ ધર્મ સમભાવની ભાવના રાખે છે. સલમાને હાલમાં જ તેના ફાર્મ હાઉસ પર આ ગીત બનાવ્યું છે.
આ ગીતની હૂક લાઇન છે "હિન્દુ-મુસ્લિમ ભાઇ ભાઇ ક્યા બોલતે મિયાં ભાઇ, ક્યા બોલતે હિન્દુ ભાઇ, ક્યા બોલતે નેતા ભાઇ" આ લાઇન કહીને ભાઇજાને દરેક વ્યક્તિને એકબીજા સાથે પ્રેમથી રહેવાની હાકલ કરી છે. હિન્દુ-મુસ્લિમ એક થઇને રહે તો જ દેશ આગળ વધશે અને નેતાઓએ પણ સાથ આપવો પડશે.
રમઝાન મે હૈ રામ, દિવાલી મે હૈ અલી તો પછી શા કારણે આપણે બધા ધર્મને લઇને લડ્યા કરીએ છીએ. આ ગીત દ્વારા સલમાને ઘણું બધું કહી દીધું છે. આપણે સૌ જાણીએ જ છીએ કે દરેક ધર્મ સરખા છે અને હળીમળીને રહેવું જોઇએ. તેમ છતાં આપણે કોઇક દ્વારા ભરેલી નફરતને ભૂલી શકતા નથી અને ગાડરીયા પ્રવાહમાં વહી જઇએ છીએ.
જો કોઇ બાળક નાનપણથી જ એવું જોવે છે તેના પરિવારના સભ્યો બીજા ધર્મના સભ્યોની રિસપેક્ટ નથી કરતા, તો એ બાળક પણ બીજા ધર્મની રિસપેક્ટ નહી જ કરે. તે બાળક એ જાણવાનો પ્રયત્ન નહી કરે કે તેના ઘરના સભ્યો જે કરી રહ્યાં છે તે યોગ્ય છે કે નહી. બસ આ જ વસ્તુંને બદલવાની જરૂર છે અને સલમાન ભાઇએ આ ગીત દ્વારા સમાજનો સિનારિયો બદલવાનો પ્રયત્ન કર્યો છે.