સલમાન ખાન શાહરૂખ ખાનના સારા મિત્ર છે. જ્યારથી આર્યન ખાનની ક્રૂઝ ડ્રગ કેસમાં ધરપકડ થઇ છે ત્યારથી શાહરૂખ ખાનની સાથે સતત સંપર્કમાં છે. થોડા દિવસ પહેલાં સલમાન ખાન શાહરૂખ ખાનને મળવા પહોંચ્યા હતા. હવે સલમાન ખાન અને તેના પિતા સલીમ ખાન શાહરૂખ ખાનના બંગલા મન્નત પર તેમને મળવા ગયા હતા.
આર્યન ખાનની ક્રૂઝ ડ્રગ કેસમાં ધરપકડ
સલમાન અને તેના પિતા સલીમ ખાન શાહરૂખને મળવા પહોંચ્યા
આર્યન ખાનના જામીન સંદર્ભે શાહરૂખ ખાન સાથે કરી મુલાકાત
સલીમ અને સલમાન ખાને શાહરૂખ સાથે કરી મુલાકાત
સલમાન ખાન અને સલીમ ખાનની ગાડી મન્ન પર જતી હતી. આ વીડિયો સોશિયલ મીડિયામાં ઝડપથી વાયરલ થઇ રહ્યો છે. ઉલ્લેખનીય છે કે, ડ્રગ કેસમાં આર્યન ખાનના જામીન પર બુધવારે સુનાવણી છે. મનાઈ રહ્યું છે કે જેને ધ્યાનમાં રાખીને સલીમ ખાન અને સલમાન ખાને શાહરૂખ ખાન સાથે મુલાકાત કરી છે.
ઉલ્લેખનીય છે કે, શુક્રવારે આર્યનની જામીન અરજી ફગાવી દેવામાં આવી હતી. કોર્ટે અન્ય બે આરોપીઓ અરબાઝ મર્ચન્ટ અને મુનમુન ધમેચાની જામીન અરજી પણ ફગાવી દીધી હતી. કોર્ટે કહ્યું હતુ કે ત્રણેય આરોપીઓ આર્યન ખાન, અરબાઝ મર્ચન્ટ અને મુનમુન ધમેચાની અરજી સુનાવણી યોગ્ય નથી. જ્યારે સોમવારે થયેલી સુનાવણી દરમ્યાન આર્યનના વકીલ સતીશ માનશિંદેએ કોર્ટમાં કહ્યું હતુ કે મેજીસ્ટ્રેટ કોર્ટની પાસે જામીન આપવાનો અધિકાર છે. માનશિંદેએ કહ્યું કે જો કોર્ટની પાસે રિમાન્ડ આપવાનો અધિકાર છે તો જામીન આપવાનો અધિકાર પણ કોર્ટની સત્તા પર નિર્ભર છે.