સમગ્ર દુનિયામાં ફેલાયેલા કોરોનાને કારણે હજારોની સંખ્યામાં લોકોની મોત થઈ રહી છે. ભારતમાં પણ આ આંકડો સતત વધતો જઈ રહ્યો છે. તેના બચવા માટે જ સરકારે 21 દિવસનું લોકડાઉન લગાવ્યું છે. સાથે જ તમામને ઘરમાં જ રહેવાની અપીલ કરી છે. ત્યારે બોલિવૂડના દબંગ ખાને પણ લોકોને ઘરમાં જ રહેવાની અપીલ કરતો વીડિયો શેર કર્યો છે. સલમાન ખાને કહ્યું કે, તેણે ત્રણ સપ્તાહથી પિતાને જોયા નથી.
A post shared by Salman Khan (@beingsalmankhan) on
સલમાન ખાને હાલમાં જ એક વીડિયો શેર કર્યો જેમાં તેની સાથે સોહેલ ખાનનો દિકરો નિર્વાણ ખાન જોવા મળી રહ્યો છે. સલમાન કહે છે કે, તે છેલ્લા 3 સપ્તાહથી તેના ફાર્મ હાઉસમાં ફસાયો છે. તેના પિતા ઘરે એકલા છે. તેણે 3 સપ્તાહથી તેના પિતાને જોયા નથી અને નિર્વાણે પણ તેના પિતાને 3 સપ્તાહથી જોયા નથી. આ લોકો કોરોનાના ડરથી ક્યાંય બહાર જઈ રહ્યાં નથી. વીડિયોમાં સલમાન અને નિર્વાણ લોકોને કહે છે કે, જો ડર ગયા સો મર ગયા. આ સમયે આ કહેવત જીવનમાં લાગુ ન કરવી. અમે બહાદુરીથી કહીએ છીએ કે, અમે ડરી ગયા છે. આ સમયે જે ડરી ગયો સમજો બચી ગયો.
A post shared by Salman Khan (@beingsalmankhan) on
ગેલેક્સી એપાર્ટમેન્ટમાં એકલા છે સલમાનના પિતા સલીમ
સલમાન આ વીડિયો દ્વારા એ જ સમજાવવા માંગે છે કે, કોરોના વાયરસથી ડરવું જરૂરી છે. લોકોનું ઘરમાં રહેવું અને જ્યાં છે ત્યાં જ રોકાઈ જવું જરૂરી છે. તમને જણાવી દઈએ કે, લોકડાઉનને કારણે જ્યારે શૂટિંગ કેન્સલ થયું ત્યારે સલમાન પરિવાર સાથે તેના પનવેલ સ્થિત ફાર્મ હાઉસમાં રહેવાં જતો રહ્યો હતો. જનતા કર્ફ્યૂ દરમયિાન પિતા સલીમ ખાન ગેલેક્સી એપાર્ટમેન્ટમાં એકલા જ હતા.