સલમાન ખાનને તમે હમેશાં દબંગ અને માચો અંદાજમાં જોયો હશે. રિયલ લાઈફમાં પણ સલમાનનો અંદાજ દબંગ છે. એવામાં જો તમને એવું જાણવા મળે કે સલમાન ખાનને કોઈનાથી ડર લાગતો હતો અને એ પણ બોલિવૂડની એક એક્ટ્રેસથી તો તમને કદાચ વિશ્વાસ નહીં થાય. જોકે, સલમાને એકવાર જણાવ્યું હતું કે 90ના દાયકામાં એક એક્ટ્રેસ સાથે કામ કરવામાં તેને ખૂબ જ ડર લાગતો હતો.
બોલિવૂડના દબંગ ખાનને લાગતો હતો ડર
90ના દાયકામાં એક એક્ટ્રેસ સાથે કામ કરવામાં ગભરાતો હતો
સલમાને પોતે જણાવી હતી આ વાત
આ એક્ટ્રેલ બીજી કોઈ નહીં પરંતુ 90ના દાયકાની ટોપ એક્ટ્રેસ શ્રીદેવી હતી. તમને જણાવી દઈએ કે, શ્રીદેવી પોતાના સમયની ટોપ એક્ટ્રેસમાંથી એક હતી. તેની લોકપ્રિયતાનો અંદાજ એ વાતથી લગાવી શકાય કે તે સમયે તેનું કોઈ ફિલ્મમાં હોવું જ હિટ થવાની ગેરેન્ટી માનવામાં આવતી હતી. અહેવાલો અનુસાર શ્રીદેવી પોતાના સમયની હાઈએસ્ટ પેડ એક્ટ્રેસ હતી અને તેને એક ફિલ્મ માટે 1 કરોડ રૂપિયા ઓફર કરવામાં આવતા હતા.
એવું કહેવાય છે કે, મોટા મોટા ડિરેક્ટર અને પ્રોડ્યૂસર 90ના દાયકામાં શ્રીદેવીને પોતાની ફિલ્મમાં લેવા માટે લાઈન લગાવીને ઉભા રહેતા હતા. સલમાને પણ શ્રીદેવીની સાથે 1993માં ફિલ્મ ચંદ્રમુખી અને 1994માં આવેલ ફિલ્મ ચાંદ કા ટુકડામાં કામ કર્યું હતું.
સલમાનને શ્રીદેવીની આ લોકપ્રિયતાનો ડર સતાવતો હતો. એક ઇન્ટરવ્યૂમાં આ વિશે વાત કરતા સલમાને કહ્યું હતું કે, એ સમયે હિરોથી વધારે લોકો શ્રીદેવીને જોવા આવતા હતા અને એવામાં દર્શક હિરો પર ઓછું ધ્યાન આપતા હતા. આ જ કારણ હતું કે સલમાન 90ના દાયકાની ટોપ એક્ટ્રેસ રહેલી શ્રીદેવીની સાથે કામ કરવાથી ડરતો હતો.