ડ્રગ્સ કેસમાં ધરપકડ થયા બાદ શાહરૂખ ખાનના દિકરાની મુશ્કેલીઓ વધી ગઈ છે.
ડ્રગ્સ કેસમાં ફસાયેલા આર્યનની વધી મુશ્કેલીઓ
શાહરૂખને મળવા પહોંચ્યો સલમાન ખાન
સલમાન ખાન અડધી રાત્રે પહોંચ્યો મન્નત
ડ્રગ્સ કેસમાં ધરપકડ થયા બાદ શાહરૂખ ખાનના દિકરા આર્યન ખાનની મુશ્કેલીઓ ઓછી થવાનું નામ નથી લઈ રહી. શાહરૂખ ખાન પણ સતત પોતાના દિકરાની દરેક અપડેટ લઈ રહ્યો છે. ખબર છે કે આ મુશ્કેલીના સમયમાં બોલિવુડ સુપરસ્ટાર સલમાન ખાન, શાહરૂખને મળવા માટે પહોંચ્યો હતો. મુલાકાત કેમ કરવામાં આવી તે હજુ સુધી સ્પષ્ટ નથી. પરંતુ અટકળોનો દોર શરૂ થઈ ચુક્યો છે.
સલમાન ખાનની શાહરૂખ ખાન સાથે મુલાકાત
સોશિયલ મીડિયા પર સલમાન કાનની ગાડીની અમુક તસ્વીરો સામે આવી રહી છે. તે શાહરૂખ ખાનને બંગલા પર મળવા ગયો હતો. મોડી રાત્રે થયેલી આ મુલાકાતને લઈને ફેન્સના મનમાં ઘણા સવાલો ઉઠવા લાગ્યા છે. હવે કારણ કે આ સમય કિંગ ખાનનો પરિવાર અલગ જ તણાવમાં છે. એવામાં કહેવામાં આવી રહ્યું છે કે સલમાન ખાન પોતાના મિત્રની હિમ્મત વધારવા માટે ગયા હતા. સોશિયલ મીડિયા પર ઘણા પ્રકારની અટકળો લગાવવામાં આવી રહી છે. પરંતુ બન્ને એક્ટરમાંથી કોઈએ પણ આ મુલાકાતને લઈને કોઈ પુષ્ટી કરી નથી.
આમતો સલમાન ખાન શાહરૂખના નજીકના મિત્ર માનવામાં આવે છે. સોશિયલ મીડિયા પર તો તેનું બોન્ડ ખૂબ જ જોરદાર દેખાય છે. ઓન સ્ક્રીન પર પણ બન્નેની જોડીને ભરપૂર પ્રેમ મળે છે. એવામાં સલમાનની આ લેટેસ્ટ મુલાકાતને ફેન્સ તેની શાહરૂખ સાથેની ગહેરી મિત્રતા સાથે જોડી રહ્યા છે. દરેકને લાગે છે કે મુશ્કેલીઓના સમયમાં સલમાન, શાહરૂખને સપોર્ટ કરવા ગયા હતા.