બોલિવૂડના ભાઇજાન સલમાન ખાને ખેડૂતોને ટ્રિબ્યૂટ આપતી એક તસવીર શૅર કરી છે. તે તસવીરમાં સલમાન ખાને પોતાની જ તસવીર શૅર કરી છે જેમાં તે કીચડથી ખરડાયેલો જોવા મળે છે અને કેપ્શનમાં લખ્યું છે 'સેલ્યુટ ટુ ઓલ ફાર્મર્સ' થોડા જ સમયમાં આ તસવીરને લાખો લાઇક મળી ગઇ હતી અને સલમાનના ફેન્સના દિલ જીતી લીધા હતા.
ખેડૂતોને ટ્રિબ્યૂટ આપવા જતા સલમાન થયો ટ્રોલ
સલમાનની તસવીરને ઓવરઍક્ટિંગ ગણાવી
સલમાનની તસવીર પહોંચી લાખો ફેન્સ સુધી
આ તસવીરને કારણે સલમાન ખૂબ જ ટ્રોલ થયો છે, એક યઝરે લખ્યું કે, તે તારા ફેસ પર કીચડ લગાવ્યું છે પરંતુ તારા પગ પર તો કીચડ લાગ્યું નથી, બસ ભાઇ ઓવર એક્ટિંગ ના કરીશ. બીજા એક યુઝરે કહ્યું કે, અબે યાર થોડુ કીચડ તારા હાથ પર પણ લગાવી લેતો.
એક બાદ એક કમેન્ટ આવતી જ રહી અને સલમાન માટે જોત જોતામાં તો હજારો કમેન્ટ વહેતી થઇ ગઇ, થોડા સમય પહેલા ફેમસ થયેલ ગીતના શબ્દોથી મિમ બની રહ્યાં હતા. ઘર સે નિકલતે હી કુછ દૂર ચલતે હી, એક યુઝરે સલમાન માટે આ લઇનનો પ્રયોગ પણ કર્યો હતો. કોઇએ કહ્યું કે ભાઇ ફાર્મિંગ કરી રહ્યાં હતા કે મડ પેક લગાવ્યું છે.
હજારો અલગ અલગ શબ્દથી સલમાન ભાઇને ટ્રોલ કરવામાં આવ્યા છે, સાથે જ તેમની એક્ટિંગને લઇને પણ તેમની મજાક બનાવવામાં આવી હતી. હાલમાં સલમાન ખાન પોતાના ફાર્મ હાઉસમાં જ રહે છે અને કોરોનાકાળમાં લોકોની મદદ કરે છે.