IPLIN
 

બોલિવૂડ / ઇંગ્લેન્ડમાં ટીમ ઇન્ડિયાએ જોઇ 'ભારત', સલમાને ટ્વીટ કરી માન્યો આભાર

Team VTV 11:45 AM, 12 Jun 19
Follow us
salman khan thanked team india for watching his film bharat

સલમાન ખાનની તાજેતરમાં રિલીઝ થયેલી ફિલ્મ 'ભારત' બૉક્સ ઑફિસ પર સારી કમાણી કરી રહી છે.

ફિલ્મને ઓડિયન્સ તરફથી મિક્સ રિવ્યૂઝ મળી રહ્યા છે તેમ છતાં ફિલ્મની કમાણીએ અત્યાર સુધી ઘણા રેકોર્ડ્સ બનાવી દીધા છે. તો બીજી તરફ ઇંગ્લેન્ડમાં સલમાનની ફિલ્મ 'ભારત' જોવા ટીમ ઇન્ડિયા નોટિંઘમમા એક થિયટેરમાં પહોંચી. 

તમને જણાવી દઇએ કે, હાલમાં વર્લ્ડ કપ માટે ટીમ ઇન્ડિયા ઇંગ્લેન્ડમાં છે. ત્યારે સોશ્યલ મીડિયા પર વાયરલ થયેલી ફોટોઝ પરથી કહી શકાય કે ટીમ ઇન્ડિયા પણ સલમાન ખાનની ફેન છે. 

 

 

ટીમના પ્લેયર કેદાર જાધવે પોતાના ઑફિશ્યલ ટ્વિટર એકાઉન્ટ પર એક ફોટો શૅર કર્યો છે. આ ફોટો શૅર કરતા તેણે લખ્યુ છે કે, ''ભારતની ટીમ, 'ભારત' ફિલ્મ પછી.''

આ ફોટોમાં હાર્દિક પંડ્યા, મહેન્દ્ર સિંહ ધોની, કેદાર જાધવ, શિખર ધવન, કે.એલ.રાહુલ જોવા મળી રહ્યા છે. આ ફોટોઝને સોશ્યલ મીડિયા પર યૂઝર્સ ખૂબ જ પસંદ કરી રહ્યા છે. 

 

કેદાર જાધવના ટ્વીટ પછી સલમાને રિપ્લાય કરતા લખ્યુ કે, ''ભારતને લાઇક કરવા માટે થેંક્યૂ ભારત ટીમ. ઇંગ્લેન્ડમાં ભારત જેવા માટે આભાર.. આવનારી મેચો માટે શુભકામનાઓ.. આખું ભારત તમારી સાથે છે.''

તમને જણાવી દઇએ કે, સલમાન-કેટિરના સ્ટારર ફિલ્મ 'ભારત' એ સોમવાર સુધી  159.30 કરોડ સુધીની કમાણી કરી લીધી છે.

‘ભારત’ ફિલ્મના ડિરેક્ટર-રાઇટર અલી અબ્બાસ ઝફર છે. ‘ભારત’ કોરિયન ફિલ્મ ‘ઓડ ટૂ માય ફાધર’ની હિંદી રિમેક છે. સલમાન અને કેટરીના ઉપરાંત ફિલ્મમાં તબુ, જેકી શ્રોફ, સુનિલ ગ્રોવર, આસિફ શૈખ, સોનાલી કુલકર્ણી, દિશા પટની અને નોરા ફતેહી પણ છે. ફિલ્મના પ્રોડ્યૂસર્સ અતુલ અગ્નિહોત્રી, ભૂષણ કુમાર અને નિખિલ નમિત છે.

Entertainment sports Team India Bharat The Film kedar Jadhav Salman khan
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ