સલમાન ખાન બોલીવુડ ઇન્ડસ્ટ્રીનો એક એવા અભિનેતા છે જે પોતાના ફિલ્મી કરિયરમાં ઘણી એક્ટ્રેસ અને એક્ટર્સને લૉન્ચ કરી ચુક્યો છે. એમાંથી એક સોનાક્ષી સિંહા પણ છે.
સલમાન ખાને સોનાક્ષીને પોતાની સુપરહિટ ફિલ્મ દબંગથી બોલીવુડમાં લૉન્ચ કરી હતી. ત્યારથી અત્યાર સુધી સોનાક્ષી જ દબંગ સીરિઝની હીરોઇનના રૂપમાં કામ કરી રહી છે.
તાજેતરમાં એક ઇન્ટરવ્યૂ દરમિયાન સોનાક્ષી સિંહાએ પોતાના જૂના દિવસોને યાદ કરતા કહ્યું કે એ એક ફેશન શો માં ઑડિયન્સ મેનેજર તરીકે કામ કરી રહી હતી. એ સમયે સલમાન ઑડિયન્સમાં હાજર હતી. સલમાને એને જોઇને વજન ઓછું કરવાની સલાહ આપી, કારણ કે એ પોતાની ફિલ્મમાં કાસ્ટ કરવા ઇચ્છતો હતો.
સોનાક્ષીએ કહ્યું, 'સલમાને મને જોઇને વજન ઓછું કરવાની સલાહ આપી, કારણ કે એ મને એમની ફિલ્મમાં કાસ્ટ કરવા ઇચ્છતા હતા. એમને મને સારા ન્યૂઝ સાંભળવા માટે મારી પાસેથી પાર્ટી પણ માંગી. એ દિવસે મારી પાસે પર્સમાં માત્ર 3000 રૂપિયા હતા અને મને એમને બહાર લઇ જવામાં ખૂબ જ શરમ આવતી હતી. જો કે હવે આ વાતને ઘણો સમય થઇ ગયો છે.'
સોનાક્ષીની પ્રોફેશનલ લાઇફની વાત કરીએ તો એની ફિલ્મ ખાનદાન શફાખાના 2 ઑગસ્ટ 2019માં રિલીઝ થવા જઇ રહી છે. સોનાક્ષીની આ ફિલ્મમાં બાદશાહ અને વરુણ શર્મા પણ લીડ રોલમાં હશે. આ ઉપરાંત સોનાક્ષી મલ્ટી સ્ટાર ફિલ્મ મિશન મંગલમાં પણ નજરે આવશે. સોનાક્ષીની આ ફિલ્મ 15 ઑગસ્ટે રિલીઝ થશે. આ ઉપરાંત સોનાક્ષી સલમાન ખાનની સાથે એક વખત ફરીથી દબંગ 3 માં જોવા મળશે.