સલમાન ખાને 'ભારત'ના સ્ક્રીનિંગ સમયે બોડીગાર્ડને ધમકાવ્યો હતો અને થપ્પડ મારી હતી. હવે, આ ઘટનાને લઈ સલમાન ખાનના બોડીગાર્ડ શેરાનું નિવેદન સામે આવ્યું છે.
આ ઘટનાને લઇને શેરાએ એક ઇન્ટરવ્યૂમાં કહ્યુ કે, ''માલિકને જલ્દી ગુસ્સો આવી જાય છે. તે બાળકોને લઇને ઘણા પ્રોટેક્ટિવ છે. સલમાને તેમની ટીમને સૂચના આપી રાખી છે કે બાળકો તથા સીનિયર સિટિઝન પ્રત્યે કેવી રીતે વર્તન કરવુ. જો આમાં ધ્યાન રાખવામાં ના આવે તો માલિક ગુસ્સે થઇ જાય છે.''
સલમાન ખાન 'ભારત'નું પ્રીમિયર પતાવીને જ્યારે બહાર નીકળ્યો ત્યાં ચાહકોની ભીડ જમા થઈ હતી. સલમાન જ્યારે પોતાની કાર તરફ જતો હતો ત્યારે બોડીગાર્ડે એક બાળક સાથે સારું વર્તન કર્યું નહોતું. આ જોઈને સલમાન ખાન ગુસ્સે થઈ ગયો હતો અને ગાર્ડને તમાચો માર્યો હતો. હવે, આ ગાર્ડ સલમાન ખાનની બોડીગાર્ડ ટીમમાં નથી.
ઈદના દિવસે સલમાન ખાને પોતાના ગેલેક્સી એપાર્ટમેન્ટની બાલ્કનીમાં આવીને ચાહકોને ઈદની શુભેચ્છા પાઠવી હતી.
ઉલ્લેખનીય છે કે, ફિલ્મ ક્રિટિક તરણ આદર્શ અનુસાર સલમાન ખાનની 'ભારત' બોક્સ ઑફિસ પર નવો ઇતિહાસ રચી દીધો છે. સલમાનની ભારતની પહેલા દિવસની કમાણી ફિલ્મ ‘પ્રેમ રતન ધન પાયો’ (40.35 કરોડ), ‘સુલતાન’ (36.54 કરોડ) અને ‘ટાઈગર ઝિંદા હૈ’ (34.10 કરોડ) ફિલ્મના પહેલા દિવસ કરતા વધારે છે. ફિલ્મ 2019ની ઓપનિંગ ડે પર સૌથી વધારે કમાણી કરનારી ફિલ્મ બની ગઇ છે. સલમાનની દિવાનગી પર ટીમ ઇન્ડિયા અને સાઉથ આફ્રિકાની મેચની પણ કોઇ અસર ન થઇ.