ગિફ્ટ / ભાઇ સલમાને આપેલી મોંઘીદાટ ગિફ્ટને વેચવા માટે મુકી અર્પિતાએ, કિંમત જાણીને થશે આશ્ચર્ય

અર્પિતાએ BMW 730Ld M-Sport કાર લક્ઝરી માર્કેટ પ્લેસ બિગ ટૉય વેબસાઈટ પર લિસ્ટ કરી છે. તેની કિંમત 75 લાખ રૂપિયા છે. વેબસાઇટ અનુસાર, આ કાર 11500 કિમી ચાલી છે જો કે તે કાર કેમ વેચી રહી છે તે અંગે કોઇ જાણકારી મળી નથી. 

સલમાન ખાને બહેન અર્પિતાને આ લક્ઝરી કાર પુત્ર આહિલના જન્મ પછી ગિફ્ટ કરી. આ 2016નું મોડેલ છે એટલે કે 3 વર્ષ જૂની કાર છે. તેમ છતાં આ કાર એકદમ નવી લાગે છે. નવી BMW 730d M-Sport ની કિંમત 1.35 કરોડ રૂપિયાની છે. 

Big Boyz Toyzની માહિતી મુજબ આ સિંગલ ઓનર કાર છે અને રજિસ્ટ્રેશનની જાણકારીમાં જાણવા મળ્યુ કે, તે સલીમ ખાનના નામે રજિસ્ટર છે જે સલમાન ખાન અને અર્પિતા ખાનના પિતા છે. 

શું છે આ કારની ખાસિયત:

આરામદાયક હોવાની સાથે સાથે આ પાવરફૂલ કાર છે. જેમાં 3.0 ડિઝલ એન્જિન છે. 265 નો પાવર અને 620 nm ટોર્ક જનરેટ કરે છે. રાત્રે સુંદર લાઇટિંગ માટે તેમાં BMWના રિવોલ્યુશનરી લેઝર હેડલેમ્પ આપવામાં આવ્યા છે, જે લાંબા રેન્જની બીમ  આપે છે.