સલમાન ખાનના તમે પાક્કા ચાહક છો તો તમારા માટે એક ખુશખબરી છે. હાલમાં અભિનેતાએ પોતાની અપકમિંગ ફિલ્મનુ પહેલુ લુક શેર કર્યુ છે. આશા સેવાઈ રહી છે કે આ લુક તેની અપકમિંગ ફિલ્મ કભી ઈદ કભી દિવાલી સંદર્ભે છે.
સલમાન ખાને પોતાની અપકમિંગ ફિલ્મનુ પહેલુ લુક શેર કર્યુ
આ તસ્વીર 'કભી ઈદ કભી દિવાલીના' શૂટિંગ દરમ્યાનની છે
સલમાન ખાને હાથમાં સળીયો પકડ્યો છે
સલમાનની ફિલ્મનું શૂટિંગ
સલમાન ખાને હાલમાં પોતાના ઈન્સ્ટાગ્રામ એકાઉન્ટ પર એક તસ્વીર શેર કરી છે. આ તસ્વીર તેની આગામી ફિલ્મ કભી ઈદ કભી દિવાલીની શૂટિંગ દરમ્યાનની છે. જેમાં તમે જોઇ શકો છો કે સલમાન ખાને ચશ્મા પહેર્યા છે અને માથે મોટા વાળ રાખ્યા છે. અભિનેતાએ હાથમાં સળીયો પકડ્યો છે અને તેની સાથે તે આક્રોશ મુદ્રામાં દેખાઈ રહ્યો છે. સલમાન ખાનની આ તસ્વીરને જોઇને લાગી રહ્યું છે કે આ ફિલ્મમાં ખૂબ એક્શન બતાવવામાં આવશે. તેમણે તસ્વીરની સાથે કેપ્શન લખ્યું છે, મારી નવી ફિલ્મનુ શૂટિંગ શરૂ.
'કભી ઈદ કભી દિવાલી'નુ શૂટિંગ
સલમાન ખાને તેની આ તસ્વીરની સાથે આ જણાવ્યું છે કે તેની નવી ફિલ્મનુ શૂટિંગ શરુ થયુ છે પરંતુ સાથે ફિલ્મનું નામ જણાવ્યું નથી. આ તસ્વીરને જોઇને એવી અટકળોએ જોર પકડ્યુ છે કે અભિનેતાએ તેની ફિલ્મ કભી ઈદ કભી દિવાલીનુ શૂટિંગ શરૂ કર્યુ છે. મહત્વનું છે કે એક દિવસ પહેલા સોશિયલ મીડિયામાં પોતાની તસ્વીર શેર કરી પૂજા હેગડેએ લખ્યું, શૂટ શરુ થયુ છે. આ તસ્વીરમાં તેણે સલમાન ખાનની બ્રેસલેટ પહેરેલી છે.
ફિલ્મ કભી ઈદ કભી દિવાલીમાં સલમાન ખાન સિવાય પૂજા હેગડે, આયુષ શર્મા અને જહીર ઈકબાલ પણ જોવા મળશે. અભિનેતાની બીજી ફિલ્મોની વાત કરીએ તો સલમાન ખાન કભી ઈદ કભી દિવાલી સિવાય ફિલ્મ ટાઈગર 3માં જોવા મળશે.