આ કાર્યક્રમમાં વિક્કી કૌશલ અને કૃતિ સેનન સાથે અનેક સેલિબ્રિટીઓએ એવોર્ડસ પણ જીત્યા. આ કાર્યક્રમમાં સલમાન ખાન હોસ્ટ હતા. સલમાન ખાનના ઘણા વીડિયો સોશિયલ મીડિયામાં વાયરલ થઇ રહ્યાં છે. સલમાનની સાથે રિતેશ દેશમુખ અને મનીષ પૉલ IIFA 2022ને હોસ્ટ કરી રહ્યાં હતા. એવામાં બંનેએ ઓડિયન્સને પૂછ્યું, સલમાન ખાનની પાછળ કોણ છે? અભિનેત્રી કૃતિ સેનને કહ્યું, જનતા. સિંગર યો યો હની સિંહ અને ગુરૂ રંધાવાએ કહ્યું, પરિયા. હવે સલમાન ખાનના જવાબનો વીડિયો પણ સામે આવ્યો છે.
સલમાને આપ્યો સુંદર જવાબ
વીડિયોમાં સલમાન ખાન કહી રહ્યાં છે, મારી પાછળ એક માણસ છે અને તેનુ નામ શાહરૂખ ખાન છે. આ ક્યારનાય મારી પાછળ છે. કારણકે એવુ છે ને કે મન્નતની જે બિલ્ડિંગ છે, તે ગેલેરીની પાછળ છે. જો આ રીતે જોશો તો તે વધુ આગળ છે. ત્યારબાદ સલમાન ખાને શાહરૂખ ખાનની ફિલ્મોનો ઉલ્લેખ કરતા કહ્યું, અમારો પઠાણ, અમારો જવાન તૈયાર છે. IIFA 2022માં સલમાન ખાનને અભિષેક બચ્ચની સાથે બેઠેલો પણ જોવામાં આવે છે. બંનેને સાથે જોઇને ચાહકો ખૂબ શોક્ડ થયા હતા. આ ઉપરાંત તેમણે ઈવેન્ટને હોસ્ટ કરી અને મનીષ પૉલ અને રિતેશ દેશમુખની સાથે નચ પંજાબન ગીત પર ડાન્સ પણ કર્યો.
શાહરૂખ ખાનના પ્રોજેક્ટ્સની વાત કરીએ તો તેમણે હાલમાં પોતાની ફિલ્મ જવાન પરથી પડદો ઉઠાવ્યો છે. આ ફિલ્મનું ટીઝર 3 જૂને આવ્યું હતુ. જેમાં કિંગ ખાન ઘાયલ શખ્સ તરીકે દેખાયો. સાઉથના ડાયરેક્ટર એટલીએ પણ આ ફિલ્મને બનાવી છે અને નયનતારા તેમાં શાહરૂખની હીરોઈન છે. આ ફિલ્મ 3 જૂન, 2023ના રોજ રીલીઝ થશે.