સલમાન ખાન બોલિવૂડનો સુપરસ્ટાર હોવાની સાથે તેની દરિયાદિલી માટે પણ જાણીતો છે. હાલ દેશમાં લોકડાઉન છે, ત્યારે થોડાં દિવસ પહેલાં જ એવા સમાચાર આવ્યા હતા કે સલમાન ખાને 25000 ડેઈલી વેજિસ વર્કર્સની મદદ માટે આગળ આવ્યો હતો. ત્યારે હવે એવું જાણવા મળ્યું છે કે, સલમાન ખાને તેની આગામી ફિલ્મ 'રાધે'ની ટીમના સભ્યોના ખાતામાં પૈસા જમા કરાવ્યા છે. મેકઅપ આર્ટિસ્ટ સુભાષ કપૂરે એક ઈન્ટરવ્યૂમાં આ વાત જણાવી છે.
કોરોનાનો કહેર સતત વધતો જઈ રહ્યો છે
બોલિવૂડ આ કપરાં સમયમાં લોકોની પડખે
સલમાન ખાને ફરી દેખાડી દરિયાદિલી
મળતી માહિતી પ્રમાણે સલમાન ખાને તેની આગામી ફિલ્મ રાધે : યોર મોસ્ટ વોન્ટેડ ભાઈથી જોડાયેલા તમામ ક્રૂ મેમ્બર્સ અને કર્મચારીઓના બેંક ખાતામાં પૈસા જમા કરાવ્યા છે. જેઓ 26 માર્ચથી 2 એપ્રિલ સુધી યૂનિટનો ભાગ બનવાના હતા. ઉલ્લેખનીય છે કે, લોકડાઉનને કારણે હાલ સમગ્ર બોલિવૂડ થંભી ગયું છે.
સલમાન ખાનાના આ નેક કામ વિશેની જાણકારી આપતા મેકઅપ આર્ટિસ્ટ સુભાષ કપૂરે કહ્યું કે, તેણે કેટલું મહાન કામ કર્યું છે. હું દિલથી સલમાન સરનો આભાર વ્યક્ત કરું છું. અત્યારે સમય ખૂબ જ ખરાબ છે.
A post shared by Salman Khan (@beingsalmankhan) on
તમને જણાવી દઈએ કે, અત્યારે ભારતમાં કોરોના સંક્રમિતોના કેસમાં સતત વધારો થઈ રહ્યો છે અને સમગ્ર દુનિયામાં આ વાયરસ કહેર વર્તાવી રહ્યો છે. ભારતમાં કોરોનાને કારણે અત્યારર સુધી 70થી વધુ લોકોના મોત થઈ ચૂક્યા છે અને 3000થી વધુ લોકો સંક્રમિત છે. ભારત સરકાર હાલ સ્થિતિને કાબૂ કરવા માટે તમામ પ્રયત્નો કરી રહી છે.