બોલીવુડ અભિનેત્રી જરીન ખાનના ફેન માટે ખુબ જ દુ:ખદ સમાચાર છે. જરીન ખાનની કારનો ગોવામાં અક્સમાત થયો છે. આ અક્સમાત ગોવાના માપૂસા વિસ્તારમાં થયો છે.
મળતી માહિતી મુજબ જરીન ખાનની કાર સ્પીડમાં હતી ત્યારે એક બાઇક સવારે કારને ટક્કર મારી. ત્યારબાદ જરીન અને તેની ટીમે બાઇક સવારને હોસ્પિટલ પહોચાડ્યો પણ ડોક્ટરો તેને બચાવી ન શક્યા.
મળતી માહિતી મુજબ બાઇક સવાર યુવકે હેલમેટ નહોતું પહેર્યુ. જેથી તેને માથાના ભાગે ઇજાઓ પહોચી હતી. તેને તાબડતોડ હોસ્પિટલ તો પહોચાડ્યો પણ માથના ભાગે ઇજાઓના કારણે મજબુરન ડોક્ટરોને સોરી કહેવું પડ્યું.
તમને જણાવી દઇએ કે. આ ઘટના કાલ સાંજના સમયે એટલે કે 6 વાગ્યા આસપાસ ઘટી હતી. આ અક્સમાતમાં જરીન ખાનને પણ થોડી ઇજાઓ પહોચી છે.
બાઇક સવારનું નામ નિતેશ ગોરલ જણાવવામાં આવી રહ્યું છે. આ ઘટના વિશે સીનિયર પીએસઆઇ વિશાલ માંજરેકરે જણાવ્યું કે ડ્રાઇવર વિરુધ્ધ અંજુના પોલીસ સ્ટેશનમાં લાપરવાહી સાથે ગાડી ચલાવવાનો ગુનો નોંધવામાં આવ્યો છે.
તમને જણાવી દઇએ કે થોડા દિવસો પૂર્વે જરીન ખાને પોતાની પૂર્વ મેનેજર અંજલી આસ્થા વિરુધ્ધ FIR નોંધાવી છે. જરીન ખાને પોતાની મેનેજર પર દુર્વ્યવહારનો આરોપ લગાવ્યો છે. FIR બાદ તે મામલે તપાસ થઇ રહી છે. તેવામાં આ ઘટના ઘટી છે. તમને જણાવી દઇએ કે જરીન ખાને સલમાન ખાન સાથે 'વિર' ફિલ્મથી પોતાના કરિયરની શરૂઆત કરી હતી.