બોક્સ ઓફિસ પર કમાણી કરવામાં બોલિવૂડના સુલ્તાન એટલે કે દબંગ ખાનનું સિનેમાહોલમાં જોરદાર સ્વાગત થઈ રહ્યું છે. થિયેટર્સની બહાર ચુલબુલ પાંડેના ફેન્સની ભીડ જોવા મળી રહી છે. ફેન્સે સિનેમાહોલને દુલ્હનની જેમ સજાવ્યા છે. પોતાના રાઉડી હીરો માટે કોઈ બાઈક રેલી કાઢી રહ્યું છે તો ઘણાં ફેન્સ ચુલબુલ પાંડે માટે રસ્તાઓ પર કેક કાપતા પણ જોવા મળી રહ્યાં છે.
સલમાન ખાનની ફિલ્મ 'દબંગ 3' થઈ રિલીઝ
ચાહકોએ ફિલ્મ જોઈ આપી આવી પ્રતિક્રિયા
થિયેટર્સની બહાર પણ જોવા મળી ફેન્સની ભીડ
સોશિયલ મીડિયા પર ભાઈજાનના ડાઈ હાર્ટ ફેન્સનો 'દબંગ 3' સેલિબ્રેશન ટ્રેન્ડ કરી રહ્યો છે. સિનેમાહોલની અંદર જ નહીં બહાર પણ ફેન્સની ભીડ જોવા મળી રહી છે. ઉલ્લેખનીય છે કે, 'દબંગ 3' પહેલાંના બંને ભાગ હિટ રહ્યા હતા. ક્રિસમસ નિમિત્તે 'દબંગ 3' ફિલ્મ લાવીને સલમાને ફેન્સને સૌથી મોટી ટ્રીટ આપી છે. દેશભરમાં જ્યાં નાગરિકતા કાયદા પર વિરોધ પ્રદર્શન થઈ રહ્યા છે, ત્યારે સલમાનના ફેન્સને આવી પરિસ્થિતથી પણ કોઈ ફરક પડ્યો નથી.
સલમાન માટે ફેન્સ છે દિવાના
ફેન્સ કોઈ જ ડર વિના ભાઈજાનની ફિલ્મનો ફર્સ્ટ ડે ફર્સ્ટ શો જોવા માટે ઘરની બહાર નીકળી રહ્યા છે. અહીં બતાવેલી તસવીરો અને વીડિયોમાં જુઓ દબંગ ખાન માટેની દિવાનગી.
ફિલ્મ 'દબંગ 3'ની વાત કરીએ તો ફિલ્મને ક્રિટિક્સનો પણ સારો રિસપોન્સ મળી રહ્યો છે. પરંતુ પબ્લિકથી ફિલ્મને મિક્સ રિસ્પોન્સ મળી રહ્યો છે. કોઈકને 'દબંગ 3' બ્લોકબસ્ટર લાગી તો કોઈકે ફિલ્મને ફ્લોપ અને માથાનો દુખાવો જણાવી. જોકે, ફિલ્મ પહેલાં દિવસે 40 કરોડ સુધીની કમાણી કરી શકે છે. હવે જોવાનું રહ્યું કે પબ્લિક અને ક્રિટિક્સનો રિસ્પોન્સ ફિલ્મના બિઝનેસ પર કેવી અસર કરશે.