બોલિવૂડના યંગ કોમેડી એક્ટર મોહિત બઘેલનું કેન્સરને કારણે 27 વર્ષની ઉંમરે નિધન થયું છે. તે નાની ઉંમરે કેન્સરની બીમારી સામે જંગ લડી રહ્યો હતો. મીડિયા રિપોર્ટ્સ પ્રમાણે તેણે આજે સવારે 10 વાગ્યે પોતાના હોમટાઉન મથુરામાં છેલ્લા શ્વાસ લીધા હતા. ગઈકાલે રાતે મોહિતની તબિયત વધુ ખરાબ થઈ હતી, જે બાદ તેને હોસ્પિટલ લઈ જવામાં આવ્યો હતો અને સવારે તેણે અંતિમ શ્વાસ લીધા.
27 વર્ષની ઉંમરે એક્ટર મોહિત બઘેલનું કેન્સરથી નિધન
સલમાન ખાન સાથે કરી ચૂક્યો છે કામ
તેણે પોતાના હોમટાઉન મથુરામાં છેલ્લા શ્વાસ લીધા હતા
મોહિત બેઘલે વર્ષ 2009માં સલમાન ખાનની ફિલ્મ 'રેડી'માં અમર ચૌધરીની ભૂમિકા ભજવી હતી. આ સિવાય તેણે સલમાનની સાથે ફિલ્મ જય હોમાં પણ કામ કર્યું હતું. મિલન ટાલ્કીઝ, જબરિયા જોડી અને ડ્રીમ ગર્લ જેવી ફિલ્મોમાં પણ તે કામ કરી ચૂક્યો હતો. થોડાં સમય પહેલાં જ મોહિત બેઘલે સૈફ અલી ખાન અને રાની મુખર્જીની અપકમિંગ ફિલ્મ બંટી ઔર બબલી 2નું શૂટિંગ પૂરું કર્યું હતું.
मोहित मेरे भाई इतनी जल्दी क्या थी जाने की?
मैंने तुझसे कहा था देख तेरे लिए सारी इंडस्ट्री रुक गयी है जल्दी से ठीक होके आजा उसके बाद ही सब काम शुरू करेंगे,
तू बहुत अच्छी एक्टिंग करता है,इसलिए अगली फिल्म के सेट पे तेरा इंतज़ार करूँगा...और तुझे आना ही पड़ेगा
ॐ साई राम #cancer RIP pic.twitter.com/FD2lE3tHJz
આયુષ્માન ખુરાનાની ફિલ્મ ડ્રિમ ગર્લના ડિરેક્ટરે રાજ શાંડિલ્યએ પણ મોહિત માટે પોસ્ટ કરીને લખ્યું, મોહિત મારા ભાઈ આટલી ઉતાવળ હતી જવાની? મેં તને કહ્યું હતું કે તારા માટે આખી ઈન્ડસ્ટ્રી અટકી ગઈ છે, જલદી સાજો થઈને આવી જા, પછી જ બધાં કામ શરૂ કરશે. તું બહુ સારી એક્ટિંગ કરે છે એટલે નેક્સ્ટ ફિલ્મના સેટ પર તારી રાહ જોઈશ. તારે આવવું જ પડશે. ઓમ સાંઈ રામ. #Cancer RIP.
મોહિતની મિત્ર અને એક્ટ્રેસ વિવિધા કીર્તિએ તેના નિધનના સમાચારની પુષ્ટિ કરી છે. વિવિધાએ કહ્યું- મોહિત લાંબા સમયથી કેન્સરથી પીડિત હતો. જે લાઈફ એન્જોય કરતો હતો. બધાંની જાન હતો. તે ઈન્ડસ્ટ્રીમાં મારો સૌથી સારો મિત્ર હતો. તેના જવાથી મને ખૂબ જ આઘાત લાગ્યો છે. હું તેને રોકસ્ટાર કહેતી હતી. એ બેસ્ટ ડાન્સિંગ પાર્ટનર હતો. અમારા મિત્રોને અમારી ડાન્સિંગ જોડી ખૂબ જ પસંદ હતી. હું તેને બહુ જ મિસ કરીશ.
તમને જણાવી દઈએ કે, મોહિતએ 12 વર્ષ પહેલાં એન્ટરટેનમેન્ટ ઈન્ડસ્ટ્રીમાં ચાઈલ્ડ કોમેડી આર્ટિસ્ટ તરીકે કામ શરૂ કર્યું હતું. તેણે સૌથી પહેલાં કલર્સના ટીવી શો છોટે મિયાંમાં કામ કર્યું હતું. આ સિવાય તેણે સોની ટીવી પર પેશવા બાજીરાવમાં પણ કામ કર્યું હતું.