વિવેક ઓબેરૉયે થોડાક દિવસો પહેલા ઐશ્વર્યા રાય પર બનેલા મીમને શેર કરવા પર મુશ્કેલીમાં ફસાઇ ગયો હતો. હવે આ કોન્ટ્રોવર્સી પર સલમાન ખાને રિએક્શન આપ્યું છે.
વિવેક ઓબેરૉયે થોડાક દિવસો પહેલા ઐશ્વર્યા રાય બચ્ચન પર બનેલું એક મીમ શેર કર્યું હતું, જેને લઇને ખૂબ વિવાદ સર્જાયો હતો. એને લઇને એક્ટરની જોરદાર ટીકા થઇ હતી. મહિલા આયોગ તરફથી વિવેક ઓબેરૉયને નોટિસ પણ મોકલવામાં આવી હતી, ત્યારબાદ વિવેકે માફી માંગી લીધી હતી. આ સમગ્ર મામલામાં સલમાન ખાને હજુ હવે રિએક્શન આપ્યું છે.
એક મીડિયા સાથે વાતચીતમાં જ્યારે સલમાનને આ કોન્ટ્રોવર્સી લઇને એક પ્રશ્ન કરવામાં આવ્યો તો એને રિએક્શન આપતા કહ્યું કે એને આ માટે ખબર નથી. સલમાને એવું પણ જણાવ્યું કે એને અત્યાર સપધી એ ટ્વિટને જોયું પણ નથી.
જો કે સલમાનને આ પહેલા પણ પ્રશ્ન કરવામાં આવ્યો હતો. ફિલ્મ 'ભારત'ના પ્રમોશનમાં વ્યસ્ત સલમાને એ સમયે કહ્યું હતું કે હાલ એની પાસે સમય નથી. આ કારણથી એની પાસે પોતાના માટે ટ્વિટ કરવાનો ટાઇમ નથી ના બીજા ના ટ્વિટ જોવાનો.
સલમાનની ફિલ્મ 'ભારત'ની વાત કરીએ તો આ ફિલ્મ 5 જૂને ઇદના તહેવારે રિલીઝ થઇ રહી છે. કેટરીના કેફ એમાં લીડ અદાકારના રૂપમાં જોવા મળશે. આશા વ્યક્ત કરવામાં આવી રહી છે કે 'ભારત' બૉક્સ ઑફિસ પર ખૂબ જ સારુ પરફોર્મ કરશે.