સલમાન ખાનના વકીલે કહ્યું કેતન કક્કડે વિડિયોમાં માત્ર બદનક્ષીભર્યા દાવા નથી કર્યા પણ તેની સાથે-સાથે દર્શકોને સલમાન ખાન વિરુદ્ધ સાંપ્રદાયિક રીતે ઉશ્કેરવયનું કામ કર્યું છે
પનવેલ ફાર્મહાઉસના પડોશીથી પરેશાન થઈ હાઇકોર્ટ પહોંચ્યો સલમાન ખાન
પાડોશી કેતન કક્કડે સલમાન ખાન વિરુદ્ધ કર્યા છે ગંભીર આક્ષેપો
કક્કડ દ્વારા અપલોડ કરવામાં આવેલા વીડિયો સંપૂર્ણપણે અનુમાન: સલમાનના વકીલ
બોલિવૂડ એક્ટર સલમાન ખાન તેના એક પાડોશીથી નારાજ છે. જોકે હવે આ મામલો છેક મામલો બોમ્બે હાઈકોર્ટમાં પહોંચ્યો છે. શુક્રવારે આ કેસની સુનાવણી દરમ્યાન સલમાન ખાન વતી કહેવામાં આવ્યું હતું કે, પનવેલ ફાર્મહાઉસના તેના પાડોશી કેતન કક્કડની સોશિયલ મીડિયા પોસ્ટ માત્ર બદનક્ષી જ નહીં પરંતુ સમુદાયોને ઉશ્કેરતી પણ છે. જસ્ટિસ સીવી ભાડંગે સલમાન ખાનની અરજી પર સુનાવણી કરી.
સલમાન દ્વારા માર્ચ 2022માં સિવિલ કોર્ટના આદેશને પડકારતી આ અપીલ દાખલ કરવામાં આવી હતી. સલમાન ખાન દ્વારા તેમની વિરુદ્ધ દાખલ કરવામાં આવેલા માનહાનિના કેસમાં કોર્ટે કક્કડને રાહત આપવાનો ઇનકાર કરી દીધો હતો. આ કેસ સલમાને કક્કડ વિરુદ્ધ સોશિયલ મીડિયા પર અપલોડ કરેલા વીડિયો માટે કર્યો હતો જે દર્શાવે છે કે અભિનેતાઓ તેમના પનવેલ ફાર્મહાઉસમાં શું-શું કરે છે ?
શું કહ્યું સલમાન ખાને ?
સલમાન ખાને કોર્ટને વિનંતી કરી હતી કે, કેતન કક્કડને આ વીડિયો હટાવવાનો આદેશ આપવામાં આવે. ઉપરાંત તેને અભિનેતા પર ટિપ્પણી કરતા પણ વધુ રોકવો જોઈએ. જ્યારે સિવિલ કોર્ટે આવો આદેશ આપવાનો ઇનકાર કર્યો હતો, ત્યારે સલમાને હાઈકોર્ટનો સંપર્ક કર્યો હતો.
શું કહ્યું સલમાન ખાનના વકીલે ?
શુક્રવારે સલમાન ખાનના વકીલ રવિ કદમે કહ્યું કે, સિવિલ કોર્ટનો આદેશ ન આપવો એ ખોટું છે. તેણે કહ્યું, 'કક્કડ દ્વારા અપલોડ કરવામાં આવેલા વીડિયો સંપૂર્ણપણે અનુમાન છે. તે વિડિયો માત્ર બદનક્ષીભર્યા નથી પણ દર્શકોને સલમાન ખાન વિરુદ્ધ સાંપ્રદાયિક રીતે ઉશ્કેરે છે.
સલમાન પર ગંભીર આરોપો
વીડિયોની સ્ક્રિપ્ટ વાંચતા સલમાન ખાનના વકીલ રવિ કદમે કહ્યું કે, કક્કડે લઘુમતી સમુદાયના સલમાન ખાનને કહ્યું છે કે, તે ભગવાન ગણેશના મંદિર પર કબજો કરવા માંગે છે, જે તેના પનવેલ ફાર્મહાઉસની નજીક છે. કદમે કહ્યું, 'વીડિયોમાં કક્કરે સલમાન ખાનની તુલના બાબર અને ઔરંગઝેબ સાથે કરી છે. તે કહે છે કે, અયોધ્યા મંદિરને બનાવવામાં 500 વર્ષ લાગ્યા અને અહીં સલમાન ખાન ગણેશ મંદિર બંધ કરાવવા માંગે છે. તેણે આગળ કહ્યું, 'આ વીડિયો લાખો દર્શકોએ જોયો છે. આ યુઝર્સે આ વીડિયો પર સલમાન ખાન વિરુદ્ધ પણ કોમેન્ટ કરી છે. આવી સ્થિતિમાં આ વીડિયો દ્વારા દર્શકોને સ્પષ્ટપણે સલમાન ખાન વિરુદ્ધ ઉશ્કેરવામાં આવ્યા છે. વીડિયોએ દરેક વસ્તુને સાંપ્રદાયિક બનાવી દીધી છે અને દરેક વસ્તુને હિન્દુ વિરુદ્ધ મુસ્લિમ બનાવી દીધી છે.
આ સાથે રવિ કદમે એમ પણ કહ્યું છે કે, કક્કડે સલમાન ખાન પર અંડરવર્લ્ડ ડોન દાઉદ ઈબ્રાહિમની ગેંગનો સભ્ય હોવાનો આરોપ લગાવ્યો છે. તે કહે છે, 'કક્કડે આરોપ લગાવ્યો છે કે, સલમાન તેના ફાર્મહાઉસમાંથી ડ્રગ્સ સ્મગલિંગ, ઓર્ગન સ્મગલિંગ અને ચાઈલ્ડ સ્મગલિંગનો બિઝનેસ કરે છે.' આ સુનાવણી બાદ કોર્ટની બેન્ચે 22 ઓગસ્ટની તારીખ આપી છે, કેતન કક્કડના વકીલ આભા સિંહ અને આદિત્ય સિંહે નીચલી કોર્ટમાં દાવો કર્યો હતો કે, સલમાન ખાને તેમની જમીન હડપ કરવા માટે તેમની સામે માનહાનિનો કેસ દાખલ કર્યો હતો.