સલમાન ખાન હાલમાં પોતાની 'દંબગ' ટૂર માટે યૂએસમાં છે. એક્ટરની સાથે તેની ટૂરમાં કેટરિના કૈફ જેક્લિન ફર્નાડિઝ પણ છે. ત્યારે 'રેસ 3' એક્ટરના લગભગ 26 વર્ષ જૂનો વીડિયો સોશ્યલ મીડિયા પર વાયરલ થયો છે. વીડિયોમાં સલમાન ખાન આમિર ખાન જૂહી ચાવલા રવિના ટંડન દિવ્યા ભારતી જેવા ઘણા કલાકારો વિશે વાત કરતો દેખાઈ રહ્યો છે. વીડિયોમાં હોસ્ટ સલમાનની ઘણી મજાક કરી રહ્યાં છે જ્યારે સલમાન બધા સવાલોનો સીધો-સીધો જવાબ આપી રહ્યો છે. આ સિવાય એક્ટરે જૂહી ચાવલાની સાથે લગ્નની પણ વાત શૅર કરી હતી.
જી હા જાણીને નવાઈ લાગશે પણ એક સમય હતો જ્યારે સલમાન તે સમયની ખૂબ જ પોપ્યુલર એક્ટ્રેસ જૂહી ચાવલાને પસંદ કરતો હતો અને તેની સાથે લગ્ન કરવા માગતો હતો.
જૂહી વિશે વાત કરતા સલમાને કહ્યું કે ‘જૂહી બહુ જ સ્વીટ છે અને અડૉરેબલ છોકરી છે. મેં તેના પિતા સમક્ષ લગ્નની વાત પણ કરી હતી પણ તેમણે મારું પ્રપોઝલ સ્વીકાર્યું નહીં.’સલમાને આગળ કહ્યું કે ‘ખબર નહીં તેમને જૂહી માટે કેવા પ્રકારનો છોકરો જોઈએ છે. કદાચ હું તેમના વિશલિસ્ટ ફિટ બેસતો નથી.’
સલમાન ખાન ટૂંક સમયમાં અપકમિંગ ફિલ્મ 'ભારત' માટે શૂટિંગ કરી રહ્યો છે ફિલ્મમાં સલમાન અને પ્રિયંકા ચોપરા સાથે જોવા મળશે.