ચીનમાં 11 000 સ્ક્રીન્સ પર રિલીઝ થશે સલમાનની આ ફિલ્મ એક દિવસમાં ચાલશે 40 000 શો

સલમાન ખાન અને અનુષ્કા શર્મા સ્ટારર ફિલ્મ 'સુલતાન' 31 ઓગસ્ટે ચીનમાં રિલીઝ કરવામાં આવશે. ફિલ્મનું નવુ પોસ્ટર રિલીઝ કરી દેવામાં આવ્યુ છે જેના પર ચીની ભાષામાં જાણકારી ઉપલબ્ધ કરાવવામાં આવી છે. ભારતમાં તમામ રેકોર્ડ તોડ્યા બાદ હવે આ ફિલ્મને ચીનમાં રિલીઝ કરવામાં આવી રહી છે. મેકર્સે તગડી તૈયારી કરી છે કેમકે ફિલ્મ ચીની બોક્સ ઓફિસ પર સારો બિઝનેસ કરે.
 

#Sultan releases in China on 31 Aug 2018... Some info...
* Will release in over 11 000 screens.
* Targeting around 40 000 shows every day.
* The film will release with the same title: #Sultan.
Here are three new posters for the local audiences in China: pic.twitter.com/AucUL41chq

— taran adarsh (@taran_adarsh) 6 August 2018

 
ચીનમાં પણ સુલતાન નામથી જ રિલીઝ કરવામાં આવશે. યશ રાજ ફિલ્મ્સે ચીનની ડિસ્ટ્રીબ્યૂટર કંપની ઈ-સ્ટાર્સ ચીનની સાથે હાથ મિલાવ્યો છે. ટ્રેડ એનાલિસ્ટ તરણ આદર્શના ટ્વિટ પ્રમાણે ફિલ્મને ચીનમાં 11 000 સ્ક્રિન પર રિલીઝ કરવામાં આવશે. પ્રયત્ન એ રહેશે કે એક દિવસમાં ફિલ્મ લગભગ 40 000 શો ચલાવવામાં આવે.

તમને ખબર હશે કે ફિલ્મને ભારતમાં રિલીઝ કરવામાં આવી હતી ત્યારે તેને કુલ 5100 સ્ક્રીન્સ મળી હતી. સલમાન ખાનની ફિલ્મ ટાઈગર જિંદા હે ને પણ ભારતમાં લગભગ 4600 સ્ક્રીન્સ પર રિલીઝ કરવામાં આવી હતી. આમિર ખાનની ફિલ્મ દંગલને ભારતમાં લગભગ 5300 સ્ક્રીન્સ પર રિલીઝ કરવામાં આવી હતી. ચીનમાં દંગલને કુલ 9000 સ્ક્રીન્સ પર રિલીઝ કરવામાં આવી હતી.

આમ પ્રકારે જોઈએ તો સુલતાન પહેલી બોલીવુડ ફિલ્મ હશે જેને ચીનમાં આટલી વધારે સ્ક્રીન્સ પર રિલીઝ કરવામાં આવશે.