Radhe Trailer / સલમાન ખાનની ફિલ્મનું ધમાકેદાર ટ્રેલર થયું રિલીઝ, ઈદ પર ધમાલ મચાવશે ભાઈજાન, થઈ જાઓ તૈયાર

• સલમાનની ફિલ્મ રાધે : યોર મોસ્ટ વોન્ટેડ ભાઈનું ટ્રેલર થયું રિલીઝ
• ચાહકો આતુરતાથી ભાઈજાનની ફિલ્મની રાહ જોઈ રહ્યાં હતા
• આ વર્ષે ઈદ પર ધમાલ મચાવશે સલમાન ખાન

હાલ જે રીતે કોરોનાએ સમગ્ર દુનિયામાં કાળો કેર વર્તાયો છે તેના કારણે એન્ટરટેઈનમેન્ટ ઈન્ડસ્ટ્રી પર ફરી સંકટના વાદળો ઘેરાઈ ગયા છે. પરંતુ બોલિવૂડના દબંગ ખાને કોરોનાથી ડર્યા વિના તેની મોસ્ટ અવેટેડ ફિલ્મ રાધે : યોર મોસ્ટ વોન્ટેડને આ વર્ષ ઈદ પર રિલીઝ કરવાની જાહેરાત કરી દીધી છે અને ભાઈજાનની ફિલ્મનું ધમાકેદાર ટ્રેલર પણ સામે આવી ચૂક્યું છે. ચાહકો ભાઈજાનની ફિલ્મ રાધે : યોર મોસ્ટ વોન્ટેડની આતુરતાથી રાહ જોઈ રહ્યાં હતા. ટ્રેલર રિલીઝ થતાં જ તે યૂટ્યૂબ પર ટ્રેન્ડ કરવા લાગ્યું છે. સલમાનની આ ફિલ્મ ભારતની પહેલી એવી ફિલ્મ છે જે એકસાથે મલ્ટી પ્લેટફોર્મ્સ પર રિલીઝ થશે. 

આ ફિલ્મમાં સલમાન ખાન ઉપરાંત દિશા પટની પણ મુખ્ય ભૂમિકામાં છે. જે આ ફિલ્મમાં તેના લેડી લવની ભૂમિકા નિભાવતા જોવા મળશે. આ સાથે જ, રણદીપ હુડ્ડા પણ આ ફિલ્મમાં એક દમદાર અવતારમાં જોવા મળશે. રાધે : યોર મોસ્ટ વોન્ટેડ આ વર્ષે ઈદ પર એટલે કે 13 મેના રોજ વિવિધ પ્લેટફોર્મ પર રિલીઝ થવાની છે. 

આ પહેલા સલમાન ખાને બેક ટુ બેક ફિલ્મથી રિલેટેડ પોસ્ શેર કરી હતી. જેમાં તેણે પોતાની ફિલ્મના ટ્રેલરને લઈને ઘોષણા કરી હતી. તાજેતરની પોસ્ટ શેર કરતી વખતે સલમાન ખાને તેના ચાહકોને કહ્યું કે તેની ફિલ્મનું ટ્રેલર આજે 11 વાગ્યે રિલીઝ થશે. સલમાન ખાને તેની પોસ્ટમાં લખ્યું- 'હું આવું છું, તમારો મોસ્ટ વોન્ટેડ ભાઈ. રાધે ટ્રેલર સાથે સવારે 11 વાગ્યે.