આ ગેમ કથિત રીતે 'હિટ એન્ડ રન' (Hit And Run)ની ઘટના પર આધારિત છે જેમાં બોલિવુડ અભિનેતા સલમાન ખાન (Salman Khan) શામેલ છે.
આ ગેમ પર ભડક્યા સલમાન
ગેમ વિરૂદ્ધ કર્યો કેસ
અંગત જીવન દર્શાવવાનો આરોપ
મુંબઈની એક કોર્ટે 'સેલમોન ભોઈ' (Selmon Bhoi) નામની એક ઓનલાઈન મોબાઈલ ગેમ પર અસ્થાયી રૂપથી સ્ટે લગાવી દીધો છે. આ ગેમ કથિત રીતે 'હિટ એન્ડ રન' (Hit And Run)ની ઘટના પર આધારિત છે જેમાં બોલિવુડ અભિનેતા સલમાન ખાન (Salman Khan) શામેલ છે. જજ કે એમ. જાયસવાલે સોમવારે આદેશ જાહેર કર્યો હતો જેની કોપી મંગળવારે પ્રાપ્ત થઈ.
પ્લે સ્ટોરમાંથી હટાવવામાં આવી ગેમ
અદાલતમાં ગેમ બનાવનાર કંપની પેરોડી સ્ટૂડિયોઝ પ્રાઈવેટ લિમિટેડ અને તેના નિર્દેશકોને ગેમ તથા કોર્ટ સાથે જોડાયેલા કોઈ પણ સામગ્રીના પ્રસાર, તેને લોન્ચ કરવા અથવા રીલોન્ચ કરવા અને રીપ્રોડ્યુસ કરવા પર પાબંદી લગાવી દીધી છે. અદાલતે ગેમના મેકર્સને ગુગલ પ્લે સ્ટોર તથા અન્ય પ્લેટફોર્મથી આ ગેમને તત્કાલ હટાવવાના આદેશ આપ્યો છે.
સલમાને નથી આપી સહમતિ
કોર્ટે જણાવ્યું, 'ગેમ અને તેની તસ્વીરોને જોતા પહેલી નજરમાં લાગે છે કે આ સલમાન ખાન (Salman Khan)ની ઓળખ સાથે મળે છે અને જેના સાથે જોડાયેલા હિટ એન્ડ રન મામલાથી સંબંધિત છે. ' કોર્ટે કહ્યું કે સલમાન ખાન (Salman Khan) ને ક્યારેય આ ગેમ માટે પોતાની સહમતિ ન હતી આપી. કોર્ટના આદેશ બાદ લાગે છે કે ગેમના મેકર્સ પર તલવાર લટકી રહી છે.
દબંગ ખાનની પ્રાઈવસીનું હનન
કોર્ટે આદેશમાં કહ્યું, 'જ્યાં સલમાન ખાને આ ગેમના નિર્માણ માટે પોતાની સહમતિ નથી આપી, જે તેમની ઓળખ અને તેમના વિરૂદ્ધ કેસ સાથે બિલકુલ મળતુ આવે છે. તો તેમના ખાનગી અધિકારનું નિશ્ચિત રીતે હનન થયું છે અને તેમની છબીને પણ નુકસાન થયું છે. '
ફાયદા માટે કરવામાં આવ્યો ઉપયોગ
કોર્ટે કહ્યું કે ગેમના મેકર્સે સલમાન ખાન (Salman Khan)ની ઓળખ અને લોકપ્રિયતાને આર્થિક લાભ માટે ઉપયોગ કરવામાં આવ્યો છે. દબંગ ખાને ગેમ બનાવનાર વિરૂદ્ધ ગયા મહિને અરજી દાખલ કરી હતી. અરજીમાં કહેવામાં આવ્યું હતું કે 'સેલમોન ભાઈ' (Selmon Bhoi)નું ઉચ્ચારણ, ખાનના ફેન્સની વચ્ચે લોકપ્રિય તેમના નામ 'સલમાન ભાઈ'થી મળતું આવે છે.