બિગ બોસ 13ના અંત પછી આ શો વિશે જુદી જુદી વાતો સામે આવી રહી છે. ઘરની બહાર નીકળી ગયેલા સ્પર્ધકો જ્યારે તેમના સામાન્ય જીવનમાં પાછા આવવા અને બિગ બોસના ઘરના અનુભવ અંગે મીડિયા સાથે વાત કરી રહ્યા છે ત્યારે હવે એવા સમાચાર આવી રહ્યા છે કે સલમાન ખાન બિગ બોસની નવી સીઝનનો હોસ્ટ બનશે નહિ.
પિંકવિલાએ સૂત્રો અનુસાર જણાવ્યું છે કે સલમાન ખાને આગામી સમયમાં બિગ બોસ નહીં કરવાનો નિર્ણય લીધો છે. સૂત્રો અનુસાર, 'સલમાન ખાનને લાગે છે કે આ વખતે ચેનલ સિદ્ધાર્થ શુક્લા તરફ પક્ષપાતી હતી. જ્યારે ચેનલે સિદ્ધાર્થ શુક્લાને વિજેતા બનાવવાનો નિર્ણય કર્યો ત્યારે સલમાન ગુસ્સે થયો હતો.
સૂત્રોએ એમ પણ કહ્યું હતું કે સલમાનના ગુસ્સાને કારણે શો મોડો પડ્યો હતો. તેણે કહ્યું, 'સલમાન નારાજ થયા પછી શોમાં મોડું થયું હતું. વિજેતાનું નામ 12 વાગ્યા પછી બહાર આવ્યું હતું. જો કે હવે સલમાને ચેનલને સ્પષ્ટ કરી દીધું છે કે હવે તેઓ આ શોમાં નહીં આવે.'
તમને જણાવી દઈએ કે સલમાન ખાનના બિગ બોસ છોડવાના સમાચાર અગાઉ આવી ચૂક્યા છે પરંતુ બિગ બોસ 13માં સ્પર્ધકોની અંગત બાબતોને શોમાં ઘસડી લાવવાની શો ની સ્ટ્રેટેજીથી સલમાનને ખૂબ નારાજ છે.
બિગ બોસ 13માં વિકેન્ડ દરમિયાન સલમાન ખાને ઘણી વાર કહ્યું હતું કે તેણે હવે આ શો છોડી દેવો પડશે કારણ કે હવે વધારે પડતું થઈ રહ્યું છે. સલમાન ખાન આ સીઝનમાં વારંવાર ખૂબ ગુસ્સે થતો નજરે આવ્યો હતો.
વિશેષ વાત એ છે કે બિગ બોસ 13 લોકોને સૌથી વધુ ગમ્યું છે. જનતાએ આ સિઝનને એટલો પ્રેમ આપ્યો કે તે 3 મહિનાથી વધારીને સાડા ચાર મહિના ચલાવવામાં આવ્યો. બિગ બોસ 13 ને 5 મહિના ચલાવવાની યોજના હતી, જોકે સલમાન ખાન પાસે સમયના અભાવે આવું થઇ ન શક્યું.
જણાવી દઈએ કે બિગ બોસ 13 નો વિજેતા સિદ્ધાર્થ શુક્લા બની ગયો છે. આ શોની ફાઈનલમાં તેણે અસીમ રિયાઝ, શહનાઝ ગિલ, રશ્મિ દેસાઈ, આરતી સિંહ અને પારસ છાબરાને હરાવી દીધા હતા. સિદ્ધાર્થની જીત પછી તેને ઇન્ટરનેટ પર ઘણો ટ્રોલ કરવામાં આવ્યો છે અને બિગ બોસના નિર્માતાઓને પક્ષપાતી ગણાવવામાં આવ્યા છે.